Nantihong Omw Pwukoahn Wadawad oh Padahk
Pwuhket wiawihda pwehn sewese iuk en kalaudehla omw koahiek en wadawad mwohn wehipokon oh omw koasoi oh padahk.
Kisinlikou Ehu Sang Pwihn me Kin Apwalih Mwomwohdiso nan Sampah Pwon
Kitail kin padahngki rohng me keieu kesempwal me kohiengehr aramas akan.
MEHN ONOP 1
Tepin Koasoi me Pahn Pweida Mwahu
Tepin koasoi me pahn pweida mwahu kin kapwaiada mehn akadei siluh.
MEHN ONOP 2
Ni Mwomwen Koasoakoasoipene
Mwomwen koasoakoasoipene ehu kin kahrehiong sounrongorong kan ren kansenamwahuki rong oh sewese irail en pwungki omw padahko.
MEHN ONOP 3
Doadoahngki Peidek kan
Idek peidek kan ni kamantik pwehn kamwakid oh pwehn kasalehda ire kesempwal kan.
MEHN ONOP 4
Kasalehda Iren Paipel kan ni Ahl Pwung
Kilang ia mwomwen omw pahn kaunopada madamadau en sounrongorong kan mwohn omw wadek ehu iren Paipel.
MEHN ONOP 5
Wadawad Pwung
Wadawad pwung wia kisehn doadoahk kesempwal en kasalehda sapwellimen Siohwa erpit.
MEHN ONOP 6
Kawehwehda ni Sansal Kahrepen Omw Pahn Doadoahngki Ehu Iren Paipel
Sewese sounrongorong kan ren kilang dokpenehn iren Paipel me ke wadeko oh ire kesempwal me ke koasoiao.
MEHN ONOP 7
En Pwung oh Kamwakid Emen en Kamehlele
En pwung oh kamwakid emen en kamehlele pahn sewese sounrongorong kan ren wehwehki dahme pwungo.
MEHN ONOP 8
Karasaras kan me Kin Kasukuhl
Kamwahwihala omw padahk sang ni omw doadoahngki karasaras mengei kan me pahn kahrehiong sounrongorong kan en men tehk oh me kin padahkihong irail ire kesempwal kan.
MEHN ONOP 9
Doadoahngki Kasdo oh Kilel kan ni Ahl Pwung
Doadoahngki kilel oh kasdo kan pwehn ren tamatamante.
MEHN ONOP 10
Doadoahngki Ngihl me Pwungiong Audepen Koasoi
Wekidala ngilomw en pitipit de wawai, de marahra de toutou, oh uwen kehlail en ngilomwen pwehn kamwakidada pepehm en sounrongorong kan pwe ren mwekidki.
MEHN ONOP 11
Ngoang
Ngoang kin kadehdehda omw pepehm kehlail oh kin sawas pwehn kolokol en sounrongorong kan ar men rong.
MEHN ONOP 12
Kasalehda Kadek oh Wehwehki Pepehm en Meteikan
Ma ke koasoi ni omw kasalehda pepehm ni mehlel, ke kin kasalehiong sounrongorong kan me ke nsenohkin irail.
MEHN ONOP 13
Kasansalehda Kamwahupen Omw Padahko
Sewese sounrongorong kan ren wehwehki ia duwen audepen padahko eh pahn kamwakid arail mour, oh kasalehiong irail dahme re pahn wiahiong dahme re sukuhlki.
ONOP 14
Wiahiong Ire Kesempwal kan en Sansal
Sewese sounrongorong kan ren idawehn omw padahko, oh kasansalehda ia duwen ehuehu ire kesempwal eh dokedoke mehn akadei en omw padahko oh oaralape.
MEHN ONOP 15
Kasalehda Omw Kamehlele Dahme Ke Koasoia
Koasoia dahme ke kamehlele. Kasalehda me ke uhdahn kamehlele me dahme ke koasoakoasoia me mehlel oh kesempwal.
MEHN ONOP 16
Koasoia Soahng kan me Kangoang oh Mwahu
Kakehlaka ahpw dehr kauwe. Kauwalahng arail madamadau ong padahk mehlel en Mahsen en Koht me kansenamwahu.
MEHN ONOP 17
En Wehwe Mwahu ong Meteikan
Sewese sounrongorong kan ren wehwehki omw padahko. Kasalehda ire kesempwal kan ni sansal.
MEHN ONOP 18
Audepen Padahk me Katapan ong Sounrongorong kan
Kamwakid madamadau en sounrongorong kan oh sewese irail en sukuhlki mehkot katapan.
MEHN ONOP 19
Nantihong Sair Mohngiong
Kamwakid sounrongorong kan ren poakohng Koht oh sapwellime Mahsen, Paipel.
MEHN ONOP 20
Kaimwiseklahn Padahk me Pahn Kamwakid
Kaimwiseklahn padahk ehu me kamwakid pahn sewese sounrongorong kan ren pwungki oh kapwaiada dahme re sukuhlkiher.
Kileldien Omw Kekeirda
Kileldien omw kekeirda ni omw kamwahwihala omw koahiek en wadawad oh padahk.
You May Also Like
VIDEO SERIES
Nantihong Omw Pwukoahn Wadawad oh Padahk—Kisin Kasdo kan
Kakairada koahiek me anahn ong wadawad oh padahk mwohn pokon.
