«Уотӕ мӕмӕ ку фӕккӕсуй, ӕма ми неци пайда ес, уӕд мӕ Йеговӕ бафедар кӕнуй JW Broadcasting^®-и зарти фӕрци» (Лорейн, АЕШ).

«Дини зартӕ» алкӕддӕр нӕ лӕггадӕмӕ хаудтӕнцӕ (Кол. 3:16). Ку сӕ исахур кӕнай, уӕд дӕ бафедар кӕндзӕнцӕ, нӕдӕр дӕмӕ зарти киунугӕ, нӕдӕр телефон кенӕ планшет ку нӕ уа, уӕд дӕр. Дӕлдӕр ци унаффитӕ финст ес, етӕ дин банхус кӕндзӕнцӕ, цӕмӕй нӕ зартӕ исахур кӕнай.

• Зарти дзурдтӕ бакӕсӕ ӕма сӕбӕл лӕмбунӕг расагъӕс кӕнӕ. Цӕхуӕндӕр ӕрмӕг хуарз ку балӕдӕрӕн, уӕд ӕй ӕнцондӕрӕй нигъгъуди кӕнӕн. Нӕ зарти дзурдтӕ, уой хӕццӕ ба ма JW Broadcasting^®-и ка рацӕуй ӕма нӕмӕ сувӕллӕнттӕн ци зартӕ ес, уони дзурдтӕ иссерӕн ес сайти jw.org. Уой туххӕй хаййи «Библиотекӕ» равзарӕ «Музыкӕ».

• Зарти дзурдтӕ къохӕй рафинсӕ. Уӕд сӕ хуӕздӕр нигъгъуди кӕндзӕнӕ (Дук. з. 17:18).

• Зар дӕхецӕн гъӕрӕй зарӕ. Зар цалдӕр хатти разарисӕ кенӕ ин ӕ дзурдтӕ цалдӕр хатти бакӕсисӕ.

• Зари дзурдтӕ нигъгъуди кодтай ӕви нӕ, уой бафӕлварӕ. Зари дзурдтӕмӕ ма кӕсӕ, уотемӕй сӕ ӕргъуди кӕнӕ, удта ӕркӕсӕ, раст сӕ нигъгъуди кодтай ӕви нӕ.