¿Toꞌo di mända nunä xiꞌmhai?
¿Gi kamfri ge go di mända...
-
Zi Dada?
-
... yä jäꞌi?
-
... o rä Zithu?
RÄ MÄKÄ TꞌOFO MÄÄ
Gatꞌho «rä xiꞌmhai o ha rä yꞌe̱ rä tsꞌondähi» (1 Juan 5:19, Ra ꞌRaꞌyo Testamento).
“ꞌNe hänge bi zo̱kua ha rä xiꞌmhai rä Tsꞌu̱ntꞌu̱ Äjuä [...] pa dä tsꞌombä yä ꞌme̱fi rä Zithu.” (1 Juan 3:8, Ra ꞌDaꞌyonhogui.)
TE MA GI TÄHÄ GI PÄDI NJABU̱
Ma gi pädi por hanja ja ndunthi yä xuñha ha rä xiꞌmhai (Apocalipsis [Revelación] 12:12).
Ma gi hyandi ge ja yä raso pa gi kamfri ge rä xiꞌmhai ma dä hogi (1 Juan 2:17).
¿DÄ ZA GÄ KAMFRIHU̱ NÄꞌÄ MÄÄ RÄ MÄKÄ TꞌOFO?
Hää, po nuya yä raso:
-
Ya mꞌedetho nuꞌu̱ yä pa kohibi rä mhända rä Zithu. Jeoba ma dä huati näꞌä mhända pe̱ꞌtsi rä Zithu de yä mexiꞌmhai. Jeoba xä promete dä «huatuä rä tsꞌe̱di rä tsꞌondähi», ma dä hñäki gatꞌho nuꞌu̱ yä tsꞌo tꞌo̱tꞌe xä me̱fi rä Zithu (Hebreos 2:14).
-
Äjuä xä huahni Ñhesukristo pa go dä mända rä Xiꞌmhai. Rä Hesu hingä rä tsꞌomꞌu̱i nixi honi rä ñhose̱. Rä Hesu nꞌañꞌo de rä Zithu, näꞌä ndä de nunä xiꞌmhai. De rä tsꞌu̱tꞌhui rä Hesu, Äjuä xä mää: «Näꞌä ma dä hueki yä zi hyoya ꞌne nuꞌu̱ hinte pe̱ꞌtsi [...]. De yä ntsꞌomꞌu̱i ꞌne de yä nduxte ma dä ñämbä yä te» (Salmo 72:13, 14, Traducción del Nuevo Mundo).
-
Äjuä hingi hate. Rä Mäkä Tꞌofo enä: «Äjuä hingi tsa dä ñhate» (Hebreos 6:18). Nuꞌmu̱ Jeoba di promete ge ma dä me̱fi nꞌa rä tꞌo̱tꞌe, ꞌñenä ge ya xä me̱fi (Isaías 55:10, 11). Ma dä «thäkuäbi rä tsꞌe̱di rä tsꞌondähi nuꞌä di ndä ha nunä rä xiꞌmhai» (Juan 12:31).
PA GI NTSO̱ꞌMI
¿Hanja ma dä nheki rä Xiꞌmhai nuꞌmu̱ ya hingo dä mända rä Zithu?
Rä Mäkä Tꞌofo thädi nunä ntꞌani ha SALMO 37:10, 11 ꞌne APOCALIPSIS 21:3, 4.
Puede que también le interese
ESSENTIAL BIBLE TEACHINGS
¿Por hanja hopi Äjuä dä nja yä sufrimiento?
Ndunthi yä jäꞌi di ñꞌani: «¿Por hanja xa ja yä ntꞌu̱tsate ꞌne yä sufrimiento po gatꞌho rä Xiꞌmhai?». Rä Mäkä Tꞌofo thädi nunä ntꞌani ꞌne rꞌakägihu̱ nꞌa rä humu̱i.
CAMPAÑA ESPECIAL
¿Por hanja mähyoni gä nxadihu̱ rä Mäkä Tꞌofo? (xo̱ge rä bideo)
Rä Mäkä Tꞌofo fatsꞌi yä miyontho yä jäꞌi dä dimbäbi yä mpengi nuꞌu̱ yä däta ntꞌani xä dupäbi yä mu̱i. Xi nuꞌi, ¿gi hohmä gi timbäbi yä mpengi nuꞌu̱ yä ntꞌaniꞌu̱?
