Talaga Kasin Nabilay Lamet Iray Inaatey?
Kasin say ebat mo et . . .
-
on?
-
andi?
-
seguro?
SAY IBABAGA NA BIBLIA
“Walay kioli.”—Gawa 24:15, Balon Mundo a Patalos.
SAY NITULONG TOD SIKA
Nasarag moy ermen no inateyan ka.—2 Corinto 1:3, 4.
Agka natatakot ya ompatey.—Hebreo 2:15.
Makaseguro kan nakaibam lamet iray inatey lan inad-arom.—Juan 5:28, 29.
TUA KASI IBABAGA NA BIBLIA?
On, tan nia so taloran rason:
-
Say Dios so nanlapuan na bilay. Ibabaga na Biblia ya si Jehova a Dios so “subol na bilay.” (Salmo 36:9; Gawa 17:24, 25) No sarasarag na Dios ya ikdan na bilay so amin ya pinalsa, segurado ya sarasarag ton bilayen lamet iray inaatey.
-
Wala la ray inatey ya binilay na Dios nensaman. Akasulat ed Biblia so waloran totoo ya binilay lamet diad dalin—walay ugaw, matatken, lalaki, tan bibii. Say arum et kapate-patey da ni labat, balet walay sakey ya apat agew lan inatey!—Juan 11:39-44.
-
Labalabay na Dios ya gawaen lamet itan. Kabusol nen Jehova so patey; ipapasen to itan ya kalaban. (1 Corinto 15:26) ‘Pirpirawat’ ton taloen itan ya kalaban, tan gawaen to itan diad panamegley na kioli. Labalabay to lan bilayen iray inatey tan panayamen to ra diad dalin.—Job 14:14, 15.
ISIPEN PA
Akin et ontatatken tan ompapatey tayo?
Nabasa so ebat na Biblia diad GENESIS 3:17-19 tan ROMA 5:12.
Ompan Nagustoan Mo Met
ESSENTIAL BIBLE TEACHINGS
Anto so Kipapasen na Saray Inatey?
Impromisa na Biblia ya onsabi panaon et dakel ya inatey so napaoli, a singa agawad si Lazaro.
EBAT ED SARAY TEPET ED BIBLIA
Anto so Kikioli?
Ompan nabigla ka no naamtaan mo no siopa ray napaoli diad arapen.
SAY PANAG-BANTAYAN
Panon Kan Makaseguro ya Nabilay Iray Inatey?
Mangiiter so Biblia na duaran makatunongan ya rason no akin ya napanisiaan so kioli.
NIPAAKAR ED SIKAMI
Akin ya Aralen so Biblia?
Walad Biblia so ebat ed saray importantin tepet na minilyon a totoo ed interon mundo. Labay mo met ya naamtaan iratan?
BANGAT NA BIBLIA
Salien so Panag-aral na Biblia
Salien so libre ya interactive ya panag-aral na Biblia ya walay personal ya manbangat ed sika.
