Antoy Sekreto Pian Maliket so Pamilya?
Parad sika, kasin say . . .
-
panangaro?
-
kuarta?
-
wala ni arum?
SAY IBABAGA NA BIBLIA
“Maliket iramay onderengel tan manusumpal ed salita na Dios!”
SAY NITULONG TOD SIKA
Naromog moy tuan panangaro.
Naliknam so aralem ya respeto.
Walay pankakasakey na pamilya yo.
TUA KASI IBABAGA NA BIBLIA?
On, tan nia so duaran rason:
-
Say Dios so angigapo na pamilya. Ibabaga na Biblia ya si Jehova a Dios so ‘nanlapuan na ngaran na balang pamilya.’ (Efeso 3:14, 15) Labay ton ibaga, walay pamilya ta ginawa itan nen Jehova. Akin et importantin naamtaan itan?
Singa onia ’tan ay: No labay mon naamtaan no antoy sekreto na mananam ya putahe, siopay tepetan mo ey? Siempre amay nanluto.
Ontan met ed pamilya. No labay tayon naamtaan no antoy sekreto pian maliket so pamilya, si Jehova so tepetan tayo, ta sikato so angigapo na pamilya.
—Genesis 2:18-24. -
Iyaansakit ka na Dios. No unoren mo ray bilin nen Jehova ya nabasad Salita to, maabig so pansumpalan na pamilya yo. Akin ey? “Lapud iyaansakit to kayo.” (1 Pedro 5:6, 7) Say sankanonot nen Jehova et say pankaabigan yo tan lanang ya duga iray bilin to!
—Proverbio 3:5, 6; Isaias 48:17, 18.
ISIPEN PA
Antoy gawaen mo pian magmaliw kan maong ya asawa tan ateng?
Nabasa so ebat na Biblia diad EFESO 5:1, 2 tan COLOSAS 3:18-21.
Ompan Nagustoan Mo Met
ONLIING!
Karunongan Pian Maliket so Pamilyam
Antoy nagawaan na asawan laki, asawan bii, atateng, tan ananak pian maliket so pamilya da?
EBAT ED SARAY TEPET ED BIBLIA
Antoy Ibabaga na Biblia Nipaakar ed Panangasawa?
Makatulong iray prinsipyo na Biblia pian naiwasan odino nasarag na sanasawa iray onsabin problema.
EBAT ED SARAY TEPET ED BIBLIA
Kasin Makatulong so Biblia Pian Magmaliw ya Maliket so Pamilyak?
Saray makabat ya bilin base ed Biblia et minilyon lan lalaki tan bibii so atulongan to pian magmaliw ya maliket so pamilya da.
NIPAAKAR ED SIKAMI
Akin ya Aralen so Biblia?
Walad Biblia so ebat ed saray importantin tepet na minilyon a totoo ed interon mundo. Labay mo met ya naamtaan iratan?
NIPAAKAR ED SIKAMI
Man-request na Ombisita ed Sika
Pantongtongan so tepet mo nipaakar ed Biblia, odino amtaen ni kaaruman ya impormasyon nipaakar ed Saray Tasi nen Jehova.
