Pregunta Cu Bijbel Ta Contesta
Dicon ta asina dificil pa logra paz mundial?
Segun Bijbel tin dos motibo principal. Na prome luga, maske hende a logra cosnan bon, Dios no a crea nan cu e capacidad pa dirigi nan mes paso. E di dos motibo ta pasobra “henter mundo ta den poder di e Malbado”, Satanas e Diabel. Pesey, hende no a logra trece paz mundial.—Lesa Jeremias 10:23; 1 Juan 5:19.
Egoismo y ambicion tambe ta stroba hende di logra paz mundial. Ta solamente un gobierno mundial cu ta siña hende pa stima loke ta bon y pa mustra interes den otro hende por trece paz mundial.—Lesa Isaias 32:17; 48:18, 22.
Ken lo logra trece paz riba tera?
E Dios Todopoderoso a priminti di reemplasa tur e gobiernonan humano cu un solo gobierno pa henter humanidad. (Daniel 2:44) Y e Yiu di Dios, Hesus, lo goberna como e Prins di Paz. Lo e caba cu tur maldad riba tera y siña hende e caminda di paz.—Lesa Isaias 9:6, 7; 11:4, 9.
For di aworaki caba, bou di Hesus su direccion, miyones di hende rond mundo ta uza Bijbel, e Palabra di Dios, pa siña hende con pa biba na paz cu otro. Pronto, lo tin paz rond mundo.—Lesa Isaias 2:3, 4.