E Mortonan Por Bolbe Biba?
Kiko bo ta pensa?
-
Sí?
-
Nò?
-
Kisas?
LOKE BEIBEL TA BISA
“Lo bai tin un resurekshon.”—Echonan 24:15, Tradukshon di Mundu Nobo.
KIKO ESAKI POR NIFIKÁ PA NOS?
Konsuelo pa ora un ser kerí muri.—2 Korintionan 1:3, 4.
Libertat for di miedu di muri.—Hebreonan 2:15.
Speransa di mira bo sernan kerí ku a muri na bida atrobe.—Huan 5:28, 29.
DI BÈRDAT NOS POR KERE LOKE BEIBEL TA BISA?
Sí, i nos tin por lo ménos tres motibu pa esei:
-
Dios ta e Kreador di bida. Beibel ta yama Yehova Dios “e fuente di bida.” (Salmo 36:9; Echonan 17:24, 25) Esun ku a duna bida na tur ser bibu mester ta kapas pa pone un hende ku a muri biba atrobe.
-
Dios a resusitá hende kaba den pasado. Beibel ta menshoná ocho kaso di hende—yòn, grandi, hòmber i muhé—ku a ser lantá for di morto. Algun tabata morto pa un tempu kòrtiku, pero un di nan tabata den graf pa kuater dia!—Huan 11:39-44.
-
Dios ta ansioso pa lanta hende na bida atrobe. Yehova ta odia morto; e ta konsider’é un enemigu. (1 Korintionan 15:26) E ta “anhelá” pa eliminá e enemigu akí, pa kaba ku morto pa medio di resurekshon. E ta ansioso pa trese esnan ku ta den su memoria bèk na bida i mira nan bolbe biba riba e tera akí.—Yòb 14:14, 15.
ALGU PA PENSA ARIBA
Dikon nos ta bira bieu i muri?
Beibel ta kontestá e pregunta ei na GÉNESIS 3:17-19 i ROMANONAN 5:12.
Otro Artíkulo Interesante
SIÑANSA DI BEIBEL
Kiko Ta Pasa ku Nos Ora Nos Muri?
Beibel ta primintí ku lo yega e tempu ku hopi hende lo resusitá for di morto, meskos ku Lázaro.
E TOREN DI VIGILANSIA
Kon Nos Por Ta Sigur Ku Tin Speransa pa e Mortonan?
Beibel ta duna nos dos motibu konfiabel pakiko nos por kere den resurekshon.
TOKANTE NOS
Dikon Analisá Loke Beibel Ta Bisa?
Beibel ta duna kontesta pa e preguntanan importante di bida na miónes di hende rònt mundu. Abo ke ta un di nan?
SIÑANSA DI BEIBEL
Nos Ta Animá Bo pa Sigui un Kurso di Beibel ku Nos
Sigui un kurso di Beibel interaktivo grátis ku un maestro.
