“Henter e Skritura ta inspirá di Dios.”—2 Timoteo 3:16, Tradukshon di Mundu Nobo.

Nos por haña kontesta satisfaktorio pa preguntanan importante di bida.—Proverbionan 2:1-5.

Nos por haña guia konfiabel pa nos bida di tur dia.—Salmo 119:105.

Nos por haña berdadero speransa pa futuro.—Romanonan 15:4.

Sí, i nos tin por lo ménos tres motibu pa esei:

• Su armonia impreshonante. Alrededor di 40 hòmber a skirbi Beibel durante un periodo di mas o ménos 1.600 aña. Mayoria di nan no a konosé otro. Pero tòg, tur e ideanan den e buki ta na armonia ku otro, i e tin un solo tema prinsipal.

• E onestidat di su eskritornan. Hopi biaha, historiadónan di mundu no ta menshoná e derotanan di nan pueblo. En kambio, eskritornan di Beibel sí tabata onesto tokante e fayonan ku tantu nan komo nan nashon a kometé.—2 Krónikanan 36:15, 16; Salmo 51:1-4.

• Su profesianan ku semper ta kumpli. Beibel a profetisá tokante destrukshon di e stat Babilonia di antigwedat un 200 aña di antemano. (Isaías 13:17-22) Beibel no a bisa solamente kon Babilonia lo a kai, sino asta a menshoná nòmber di esun ku lo a konkist’é!—Isaías 45:1-3.

  Hopi otro profesia di Beibel tambe a kumpli te den e detaye di mas chikitu. Esei no ta eksaktamente loke bo ta spera di e Palabra di Dios?—2 Pedro 1:21.