Ke mera el mesulang el mlo sebechem el omes er tia el babier me bo modengelkemam a Resioning er a Jehovah, e bo modengei aike el tekoi el ki moruul, me a rolel a loureor a cheldebechelam. Aki oureng el kmo tiang a mlo sebechel el ngosukau el mo medengelkemam el kmo aki meruul a soal a Jehovah er chelecha el taem. Aki melisiich er kau el mo melemolem el melai a klemedengei el kirel a Dios, e mouchais er a rechad er a blim me a resechelim el kirel aike el tekoi el mosuub, e bo blechoel el obengkemam el ngar er aike el miting er a Rekristiano.​—Hebru 10:23-25.

Ke mo mesa el kmo sel bo mosuub a betok el tekoi el kirel a Jehovah, e ke mo medengei el kmo ngmera el betik a rengul er kau. E seikid e ngmo soam el meruul aike el rokui el sebechem el mo ochotii a bltkil a rengum el mo er ngii. (1 Johanes 4:8-10, 19) Engdi ke mekerang e ochotii a bltkil a rengum el mo er a Dios er a chelsel a klengar er kau? E ngera me ngmo uchul a klungiolem a omoltirakl a llechul el kirel a tekoi er a kldung? E ngerang a mo ngosukau el mo soam el meruul a soal a Dios el obengkemam? Ngike el mesuub a Biblia el obengkem a mo dmeu a rengul el osiik a nger er aika el ker el obengkem, me bo el sebechem kau me a rechad er a blim el mo ‘omtebechel er kemiu el ngar a bltikerreng er a Dios, sel mongiil er a . . . diak a ulebengelel klengar.’​—Jude 21.

Aki mengemedaol er kau el mo melemolem el melai a klemedengei er kau er a klemerang el oeak sel omosuub er tia el ongingil el babier el Molemolem el Ngar er a Bltikerreng er a Dios.