A Biblia a mesaod a eru el cheldellir a Rekristiano el sechal el tir a omekerreu a tekoi er a chelsel a ongdibel. A Resioning er a Jehovah a omekedong er tir el “remechuodel” me a “remesiou er a ongdibel.” (Filipi 1:1, NW) Ngngar er ngii a rebebil er tirka el odam el mesiou el ngar er a bek el ongdibel. Ngera el ureor a loruul tirke el odam el mesiou er a ongdibel el mo uchul a klungiolam?

Te olengeseu er a chelechad er a remechuodel. A remeklou me a rengeasek el odam el mesiou er a ongdibel a ngar er ngii a mesisiich el deleuill er tir me a Jehovah, e kerekikl a urerir, e sebecham el ultuil er tir. Te omekerreu a meklou a ultutelel el ureor el ketmekill er a chelsel a ongdibel. Tiang a mo uchul e a remechuodel a sebechir el meruul er a ngerechelir el olisechakl e melisiich er a ongdibel.

Te meruul a ureor el kirel ruoll. A rebebil er a rudam el mesiou er a ongdibel a mengilt el mo outkeu er a rokui el chad el mei er a miting. E a rebebil a sebechir el oungerachel a sound, me a omerusel a babier, me a chisel a udoud er a ongdibel, e omesterir a rechad er a ongdibel a territory. Te dirrek el olengeseu er a oketmeklel a Blil a Ongdibel. Me a remechuodel a sebechir el olengit er tir el mo olengeseu er tirke el chudelang. Me tirka el odam a kongei el mo meruul a ngii di el ureor el moterekokl er tir, me a rechad er a ongdibel a olecholt a omereng el saul el kirel a meringel el urerir.​—1 Timothy 3:13.

Te Kristiano el sechal el olecholt er a ungil el kerebai. A rudam el mesiou er a ongdibel a mengilt e le ngungil el blekerdelir el Kristiano a uchul. Me sel loltobed a cheldecheduch er a miting, e te melisiich er a klaumerang er kemam. Ngdirrek el oeak sel loungerachel a tekoi er a berkel a klumech, e te olengeseu er kemam el mengal mo blak a rengmam. Tir el ungil el oureor el obengkel a chelechad er a remechuodel a uchul me te melisiich er a deurreng me a kltarreng. (Efesus 4:16) A cherengel a taem, e ngmo sebechir el rredemelel a mo mesiou el ta er a remechuodel.

• Te ua ngera el chad tirke el odam el mesiou er a ongdibel?

• Te mekerang tirka el odam a lolengeseu me bo lungil el meketmokl a ureor er a ongdibel?