“Es en uffashtayung gebt funn di dohda.”​—Apostelgeschichte 24:15, Di Heilich Shrift, Pennsylvania Deitsh un English.

Kamfirt vann selli vo ma leeb henn shtauva.​—2 Korinther 1:3, 4.

Muss em nimmi feicha fa shtauva.​—Hebräer 2:15.

En rechtah hofning fa viddah bei selli sei es ma leeb henn, vo kshtauva sinn.​—Johannes 5:28, 29.

Yau, fa at least drei reesins:

• Gott is da vann es layva gmacht hott. Di Bivvel sawkt es Jehova Gott “hott alli-ebbah layva un ohften un alles gevva.” (Apostelgeschichte 17:24, 25; Psalm 36:9) Da Vann es layva gevva hott zu alles es levvich is, kann aw shuahli ebbah es kshtauva is zrikk zu layva bringa.

• Gott hott shund difoah mensha zrikk zu layva gebrocht. Di Bivvel sawkt funn acht diffahndi moll es mensha zrikk zu layva gebrocht voahra uf di eaht. Dee voahra yung, ald, mansleit, un veibsleit. Samm voahra kshtauva fa yusht en katzi zeit, avvah aynah voah shund in’s grawb fa fiah dawk!​—Johannes 11:39-44.

• Gott vill’s geahn viddah du. Jehova hast da doht; eah gukk’s oh vi en enemy. (1 Korinther 15:26) Eah hott en falanga fa sellah enemy vekk butza un ritt vadda funn da doht bei selli vo kshtauva sinn viddah zrikk zu layva bringa. Eah kann baut nett voahra fa selli is in sei memory sinn viddah sayna am layva do uf di eaht.​—Jesoiya 25:8.