“An di zeit funn selli kaynicha zayld da Gott fumm himmel noch en kaynich-reich ufsetza es nee nett unnah gay zayld.”​—Daniel 2:44, Di Heilich Shrift, Pennsylvania Deitsh un English.

“Zu uns voah en sohn gevva; di macht fa uns roola [government] zayld uf sei shuldahra roowa.”​—Jesoiya 9:6.

• En honest un goot government es dich aekshli helfa kann.​—Jesoiya 48:17, 18.

• Layva es happy un ksund is vi’s selayva nett voah, inna neiyi veld es am kumma is.​—Offenbarung 21:3, 4.

Yau, fa at least zvay reesins:

• Jesus hott gvissa vass Gott Sei Reich du zayld. Da Jesus hott selli vo een nohch kumma, gland fa bayda fa Gott Sei Reich fa kumma un fa Gott sei villa fa gedu sei uf di eaht. (Matthäus 6:9, 10) Da Jesus hott gvissa vi sell gebayt gensaht sei zayld.

  Veil eah uf di eaht voah hott da Jesus di hungahricha kfeedaht, di granka kayld, un samm es kshtauva voahra zrikk zu layva gebrocht! (Matthäus 15:29-38; Johannes 11:38-44) Da Jesus voah am uns veisa vass fa shayni sacha es sell Reich du zayld fa di leit, vann eah moll Roolah is funn Gott Sei Reich noch dee zeit.​—Offenbarung 11:15.

• Da vayk es sacha am gay sinn in di veld veist es Gott Sei Reich glei kumd. Da Jesus hott ksawt ebdihand es eb Gott Sei Reich fridda uf di eaht bringd, zayld unsah veld gedruvveld sei mitt greek, nett genunk ess-sach, un earthquakes.​—Matthäus 24:3, 7.

  Miah sayna selli sacha grawt nau. So miah kenna shuah sei es Gott Sei Reich glei en end bringa zayld zu awl dee druvla.