“Gott zayld awl’s awwa-vassah aus iahra awwa butza, un’s zayld kenn shtauves, adda heiles, adda brilles, adda shmatza may sei, fa di alda sacha sinn faganga.”​—Offenbarung 21:4, Di Heilich Shrift, Pennsylvania Deitsh un English.

Vissa es Gott nett di shuld is funn unsah druvla.​—Jakobus 1:13.

Kamfirt in vissa es Gott feeld fa uns vann miah soffahra.​—Jesoiya 63:9.

Hofning es awl soffahres zayld ufheahra.​—Psalm 37:9-11.

Yau, fa at least zvay reesins:

• Gott hast soffahres un vass nett feah is. Denk moll vi Jehova Gott kfeeld hott in Bivvel zeida vann sei leit veesht gyoost voahra. Di Bivvel sawkt eah hott si gedavvaht “veil iahra feinda si so veesht gyoost henn.”​—Richtah 2:18.

  Gott kann’s nett shtenda vann ebbah anri vay dutt. Fa example, di Bivvel sawkt es “hend es unshuldich bloot fageesa” sinn kast bei een.​—Shpricha 6:16, 17.

• Gott gebt ebbes drumm veyyich yaydah vann funn uns. Alli mensh vayst sei aykna “druvvel un di shmatza in seim hatz” avvah so dutt Jehova!​—2 Chronik 6:29, 30.

  Deich sei Reich zayld Jehova glei’s soffahres funn yaydah ebbah zu en end bringa. (Matthäus 6:9, 10) Biss no, dutt eah awl selli kamfirt gevva es reeli gukka fa een.​—Apostelgeschichte 17:27; 2 Korinther 1:3, 4.