Wäa harscht en Werkjlichkjeit äwa dise Welt?
Wurscht du sajen, . . .
-
daut es Gott?
-
daut sent de Menschen?
-
daut es sest wäa?
WAUT DE SCHREFT SAJCHT
“De gaunze Welt [woat] vom beesen beharscht” (1. Johanes 5:19, De Plautdietsche Bibel).
“Gott sien Sän es jekomen, dän beesen Fient siene Woakjen kaputt to moaken” (1. Johanes 3:8).
WAUT FA EENEN NUTZEN HAFT DAUT FA DIE, DAUT TO WEETEN?
Du kaust vestonen, wuarom dise Welt soo schlajcht es (Openboarunk 12:12).
Du kaust die secha sennen, daut doa noch mol woat eene bätre Tiet komen (1. Johanes 2:17).
WUAROM KJENN WIE ONS OPP DE SCHREFT VELOTEN?
Daut jeft oppet weinichste dree Jrind:
-
Dän beesen Fient siene Harschoft woat to Enj komen. Jehova haft beschloten, daut Soton nich mea lang woat de Menschen unja siene Macht haben. Hee haft vesproaken, daut “dän beesen Fient krauftloos” jemoakt woat. De Fient woat aulsoo venicht woaren un aul de Schoden, waut dee aunjerecht haft, woat wada en Ordninj jebrocht woaren (Hebräa 2:14).
-
Gott haft Jesus Christus bestemt toom äwa dise Welt harschen. De Soton es een grausoma Harscha, waut bloos aun sikj selfst denkjt. Oba Jesus es gaunz aundasch. Gott haft verutjesajcht, woo Jesus harschen woat: “Hee woat äwa de schwake un oame Metleet haben . . . Hee woat an von dee raden, dee an unjadrekjen un vejewaultjen” (Psalm 72:13-14).
-
Gott kaun nich lieejen. De Schreft sajcht: “Daut es ommäajlich, daut Gott lieejen woat” (Hebräa 6:18). Wan Jehova waut vesprakjt, dan deit dee daut uk (Jesaja 55:10-11). Un en de Schreft sajcht daut, de Harscha äwa dise Welt “woat rutjestat” (Johanes 12:31).
ÄWALAJ MOL
Woo woat daut oppe Ieed sennen, wan de Fient ieescht nich mea harschen woat?
De Auntwuat es en de Schreft to finjen, en PSALM 37:10-11 un OPENBOARUNK 21:3-4.
Veleicht jleichst du uk dit
WICHTJE BIBLISCHE LIEREN
Wuarom lat Gott too, daut daut soo väl Lieden jeft?
Väle wundren, wuarom de Welt soo voll Hauss un Lieden es. De kloare Auntwuat, waut de Schreft doaropp jeft, treest ons.
WAUT SAJCHT DE SCHREFT ÄWA ...?
Jeft daut dän beesen Fient opp iernst?
Es de beesa Fient bloos de schlajchte Natua en ons ooda es hee werkjlich eene Persoon?
MEA ÄWA ONS
Wuarom loont sikj daut, de Bibel studieren?
De Bibel haft aul millionende Menschen jeholpen. Dee kaun die uk halpen!
MEA ÄWA ONS
West du met ons räden?
Räd äwa eene biblische Froag ooda lia mea äwa Jehova siene Zeijen.
