Wie moaken opp mea aus 750 Sproaken Bieekja, wiels wie wellen “Menschen von aule Velkja, Raussen, Stam un Sproaken” de goode Norecht brinjen (Openboarunk 14:6). Woo kaun dit groote Woakj jedonen woaren? Doa halpen Schriewa met von väl Lenda un von veschiedne Velkja un uk een schoof Äwasata, waut äare Oabeit iernst nämen. Daut sent aules Jehova siene Zeijen.

Ieescht mol woat aules opp Enjlisch jeschräwen. De Väastaunt es äwa de Schriewaufdeelunk aunjestalt, waut en onse Hauptoffiz es. De Breeda, waut en dise Aufdeelunk schaufen, deelen de Oabeit von de Schriewa en, waut en de Hauptoffiz un en eenje aundre Offizen sent. Doaderch, daut de Schriewa von veschiedne Lenda un Velkja sent, kjennen onse Bieekja sikj von soont haundlen, waut fa veschiedne Menschen oppe gaunze Welt intressaunt es.

Lota woat daut Enjlische no de Äwasata jeschekjt. Wan een Buak ieescht foadich jeschräwen es un de Väastaunt de Frieheit jejäft haft, dan woat daut derch Komputa no de Äwasata-Gruppen oppe gaunze Welt jeschekjt. De Äwasata sent sea doarom todoonen, daut see de rajchte Wieed brucken un daut krakjt soo äwasaten, aus daut opp Enjlisch es (Liera 12:10).

Komputasch moaken de Oabeit leichta. Dee kjennen nich daut doonen, waut een Schriewa ooda Äwasata, oba dee sent eene Help, daut de Oabeit bosja jeit. Jehova siene Zeijen haben een Komputa-Program jemoakt, waut MEPS heet. Met dit Program kaun eena opp hundade Sproaken jeschräwnet met Bilda toopstalen un reedmoaken toom drekjen.

Wuarom moak wie ons aul dise Oabeit, un daut mau rajcht fa dee Sproaken, waut mau een poa dusent Menschen räden? Daut es, wiels Jehova haben well, “daut aule Menschen sellen jerat woaren un de Woarheit kjanen lieren” (1. Timotäus 2:3-4).

• Woo woaren onse Bieekja jeschräwen?

• Wuarom doo wie opp soo väl Sproaken äwasaten?