Woo stalst du die de Tookunft väa?
Wurscht du sajen, met daut Läwen hia oppe Ieed . . .
-
woat daut soo wiedagonen aus bat nu?
-
woat daut schlemma woaren?
-
woat daut bäta woaren?
WAUT DE SCHREFT SAJCHT
“Gott woat an aule Tronen von de Uagen weschen. Doa woat kjeen Doot ooda Trua ooda Hielen ooda Weedoag mea sennen, wiels waut verhäa wia, es veschwungen” (Openboarunk 21:3-4, De Plautdietsche Bibel).
WAUT FA EENEN NUTZEN HAFT DAUT FA DIE?
Du woascht scheene un nitzelje Oabeit haben (Jesaja 65:21-23).
Lieden un Krankheiten woat daut nich mea jäwen (Jesaja 25:8; 33:24).
Du woascht fa emma kjennen en Freiden met diene Famielje un diene Frind toop läwen (Psalm 37:11, 29).
WUAROM KJENN WIE ONS OPP DE SCHREFT VELOTEN?
Daut jeft oppet weinichste twee Jrind:
-
Gott haft de Macht, daut to doonen, waut hee vesproaken haft. Jehova Gott siene Macht es onen Enj. Hee auleen woat en de Schreft de “aulmajchtja Gott” jenant (Openboarunk 15:3). Doawäajen es daut fa Gott kjeene groote Sach, sien Vespräakjen to hoolen, daut wie opp dise Welt noch mol woaren een scheenet Läwen haben. En de Schreft sajcht daut: “Bie Gott es aules mäajlich” (Matäus 19:26).
-
Gott well daut erfellen, waut hee vesproaken haft. Jehova haft toom Biespel “een velangen” doano, deejanje, waut jestorwen sent, wada toom läwen to brinjen (Hiob 14:14-15).
Jesus Christus es krakjt soo jesonnen aus sien Voda, Jehova Gott. En de Schreft läs wie, daut Jesus Kranke heeld. Wuarom deed hee daut? Wiels hee an opp iernst halpen wull (Markus 1:40-41). Daut es een Bewies doafäa, daut uk Jehova Gott dän Wensch haft, deejanje to halpen, waut Help fält (Johanes 5:19).
Jehova un uk Jesus wellen, daut ons daut enne Tookunft opp iernst scheen gonen saul. Doa kjenn wie ons gaunz opp veloten (Psalm 72:12-14; 145:16; 2. Petrus 3:9).
ÄWALAJ MOL
Waut woat Gott doonen, daut wie opp dise Welt noch mol kjennen een scheenet Läwen haben?
De Auntwuat es en de Schreft to finjen, en MATÄUS 6:9-10 un DANIEL 2:44.
Veleicht jleichst du uk dit
DE WOAKTORM
De Woarheit äwa daut, waut noch komen woat
Stoakj dienen Gloowen aun daut, waut Gott fa de Ieed verutjesajcht haft, un see, waut fa Menschen oppe Ieed läwen woaren.
WICHTJE BIBLISCHE LIEREN
Waut es Gott sien Kjennichrikj?
Aus Jesus oppe Ieed wia, lieed hee aundre mea äwa Gott sien Kjennichrikj aus äwa aundret. Aul hundade Joaren haben siene Nofolja om dit Kjennichrikj jebät.
DE WOAKTORM
Waut woat Gott sien Kjennichrikj volbrinjen?
Jesus wist, daut Gott sien Kjennichrikj de eensje Rejierunk wia, waut de Trubbel oppe Ieed leesen kunn. Woo kjenn wie opp dee Rejierunk vetruen?
MEA ÄWA ONS
West du met ons räden?
Räd äwa eene biblische Froag ooda lia mea äwa Jehova siene Zeijen.
