Jittähuä̧cuȩ jähuä topi

Äcuomenä mo̧ro̧: Jesús ö̧ji̧nö̧ huȩnȩ pa̧ja̧cuä̧nö̧ oʼtänä iso päiʼönä ʼcuäopinö taʼanö jiähuaʼattö ta̧ʼcua̧ tu̧huȩnä̧rö̧ʼa̧nö̧ ja̧ʼa̧ päʼö to̧cu̧ʼä̧cua̧jä̧. Jitä pä̧nä̧ pi̧yȩ Dios I̧huȩnȩ Isäʼtänä jiäu huȩnȩ tocu ppädöʼa̧nö̧ ja̧ʼa̧ttö̧ päʼöʼinä cu̧huo̧jui̧ʼä̧cua̧jä̧.

Todärenä mo̧ro̧: Jitä pä̧nä̧ surojö huȩnȩ rö̧ä̧cha̧ʼa̧nä̧ recuätö ttö̧ja̧ yettecuocaʼa ʼquiyönä kä̧tö̧. Ja̧ʼhua̧ta̧nö̧ ʼcuäopä̧cuȩ eseunu tta̧ʼä̧rä̧tö̧, ¿tocu päʼö? Cu̧huo̧jua̧ päʼömä Dios I̧huȩnȩ Isäʼtättö jiäcuähuä, “Surojö huȩnȩ tä̧ju̧cuo̧mȩnä̧ yeʼecuocotöjä” päʼö huȩnȩ ä̧ju̧cui̧.

Totta päʼöʼinä ttä̧ju̧cua̧ päʼöʼinä jȩttö̧

Jesús ji̧nä̧ tö̧ä̧ya̧ hua̧ ö̧ja̧ʼa̧nä̧ rö̧ȩnä̧ adihuä juäi ʼcuäopinaʼa, böo juoaʼanäʼinä. Ya̧tȩ ru̧hua̧ cuäʼo icu juiya päʼö Egipto rȩjȩra̧ʼa̧ ttȩpi̧nä̧cu̧. Recuo ʼcuäopinö oʼcaʼa ja̧u̧nu̧ pä̧nä̧ ki̧nä̧tö̧ korotöttöʼinä abonänö adiunä huo̧juȩcuä̧ ttö̧ja̧ jiäu ä̧ju̧cu̧ nö̧ʼä̧chö̧ to̧ttä̧ri̧nä̧cu̧. Pi̧yȩ jähuäʼinä, koro jähuäʼinä äcuomenä mo̧ro̧, todärenä mo̧ro̧ tti̧jȩpa̧ʼa̧ to̧cu̧ʼä̧cua̧jä̧.

Pi̧yȩ a̧ʼȩnä̧ asamblea video ka̧cu̧ topi

Asamblea jȩtö̧, ¿tocu jö̧nä̧ ja̧ʼa̧ttö̧?

Jeohua ötöʼcö jähuä jiʼähuätö asamblea jȩttö̧ ötöʼcö jähuä huo̧juä̧chi̧.

2024 a̧ʼȩttö̧ Jeohua ötöʼcö jähuä jiʼähuätö asamblea jȩttö̧: “Adihuä huȩnȩ jitähuätucua”

Pi̧yȩ a̧ʼȩttö̧ asambleanä tu̧huo̧jui̧ʼä̧cuȩ jähuä topi.

Beönätä i̧jȩcuä̧: “Adihuä huȩnȩ Jesús jiähuinö taʼanö”

Jesús uhuäpächinö ötöʼcö jähuä recuätö ttö̧ja̧ huo̧juä̧tö̧. Ja̧ʼhua̧nö̧ ja̧ʼa̧nä̧, pi̧yȩ ʼcuäopäcuaʼa äʼcanäʼinä, ja̧u̧nu̧ oʼcaʼaʼinä, ¿däje ʼcuäopinaʼattö?