“Dios mo̧ro̧jä̧ra̧’a̧ kö̧mä̧, ya’ate ruhuo u̧ju̧nä̧cua̧, pi̧yȩ ruhuomä yoröiso beipächö juiyäcua’a” (Daniel 2:44, Traducción del Nuevo Mundo).

“Ja̧u̧ ucuo i̧sa̧ jä̧cua̧. Dios Juʼtoju Ru̧hua̧ I̧tti̧ pä̧ttä̧cua̧. Ja̧ʼhua̧ta̧nö̧ Tu̧ru̧hua̧ Dios Ru̧hua̧ päiʼönä u̧ju̧nä̧cua̧ [...]. Ja̧ʼhua̧ta̧nö̧ uruhuomä yoröisotä beipächocö jä̧cua̧, —päʼinödo ángel” (Lucas 1:32,33, Tä̧do̧ Ä̧cua̧ I̧huȩnȩ).

• Pi̧yȩ ruhuo jueönä hueaʼamä ya̧tȩ pö̧nä̧rö̧ ppädöʼa̧nö̧ ja̧ʼa̧ (2 Timoteo 3:16, 17).

• Yodojinänö pi̧jä̧ ja̧rȩä̧jä̧nä̧ märichei juiyönä eseunu tö̧ja̧cuä̧cuo̧tö̧jä̧ (Apocalipsis 21:3, 4).

A̧ʼa̧, todäre jo̧mȩnä̧ ka̧ʼa̧:

• Jesúsmä Dios Uruhuonä hue’ö jȩä̧cuȩ i̧jȩpi̧nö̧. Ja̧u̧mä̧ umöhuäyotörö huo̧juȩti̧nö̧do Diosrö ttucuocuomenä jättepa pä’ö Dios Uruhuo ichäcua’a̧nö̧, Diosrö pä̧huä̧ rö̧jö̧ pi̧jä̧ rȩjȩnä̧ jȩttä̧cua̧’a̧nö̧ (Mateo 6:9, 10). Ja̧’hua̧ta̧nö̧ jahuätö jättepömä tta̧ʼa̧nö̧ ʼcuäopäcuaʼattö päʼö i̧jȩpi̧nö̧.

  Pi̧jä̧ rȩjȩnä̧ ö̧ji̧nö̧ pä̧nä̧, Jesúsmä ppäi ttuhuähuinätörö ttu̧cuȩ iyinö, na̧’ä̧chä̧tö̧rö̧’i̧nä̧ aditö icuinö, ʼcorujuo’ächinätörö’inä pä’äji ta’anö ttö̧ja̧cua̧ pä’ö tto’ädinö (Mateo 15:29-38; Juan 11:38-44). Jesús Churutä esetätörö Dios Uruhuonä juiyo adiu jȩä̧cuȩ i̧jȩpi̧nö̧. Pi̧yȩmä̧ jȩö̧ʼa̧nö̧ ji̧na̧ʼa̧ Jäʼo Uruhuonä ru̧hua̧ päiʼönä hueäcuaʼa ji̧na̧ʼa̧ttö̧ (Apocalipsis 11:15).

• Pi̧jä̧ pa̧ja̧cu̧nä̧ surojö ’cuäopömä huäjunätä i̧jȩpa̧’a̧ Dios Uruhuomä täcö tö’cöhuächa’a pä’ö. Jesús ji’ähuinö Dios Uruhuo pi̧jä̧ rȩjȩnä̧ hueäcuaʼa ä’canä pi̧jä̧ pa̧ja̧cu̧nä̧mä̧ rö̧ȩnä̧ curä’inä, ppäi ttuhuähuä’inä, rȩjȩ ttö̧ȩpö̧’i̧nä̧ kä̧cua̧’a̧ päʼö (Mateo 24:3, 7).

  Jitä mo̧ro̧mä̧ topätöjä pi̧yȩ surojö huȩnȩ ’cuäopa’a. Ja̧’hua̧nö̧ ja̧’a̧ttö̧ iso päi’önä huo̧juä̧tö̧jä̧ Dios Uruhuomä yodojinänö oʼca juiyö surojö aditö icuäcua’a pä’ö.