¿Däje recuä rö̧ja̧’a̧ttö̧ tahuaruhuäcu eseu tö̧ja̧ pä’ömä?
Ucu päcumä...
-
... repeäcuähuä
-
... pärätä
-
... koro recuä rö̧ja̧ʼa̧
DIOS I̧HUȨNȨ ISÄ’TÄ PÄÖMÄ
“Abonänö eseunu ttö̧ja̧cuä̧cuo̧tö̧ Dios i̧huȩnȩ ä̧ju̧cu̧ päö ta’anö jȩpä̧tö̧mä̧” (Lucas 11:28, Tä̧do̧ Ä̧cua̧ I̧huȩnȩ).
PI̧YȨ HUȨNȨ, ¿TOCU PPÄDA’ATTÖ?
Iso päi’önä repeäcuähuä tö̧’o̧cui̧ʼä̧cuo̧tö̧jä̧ (Efesios 5:28, 29).
Ucuotäcuähuä kä̧cua̧’a̧ (Efesios 5:33).
Tamönä tahuaruhuäcu yeähuä juiyönä eseu tö̧jä̧cuo̧tö̧jä̧ (Marcos 10:6-9).
DIOS I̧HUȨNȨ ISÄ’TÄNÄ PÄÖMÄ, ¿ISO PÄI’ÖNÄ TESETÖ’A̧NÖ̧ JA̧’A̧DI̧?
A̧ʼa̧, todäre jo̧mȩnä̧ ka̧ʼa̧:
-
Ttamönä ttahuaruhuäcu kä̧cuä̧huä̧ ka̧ päʼö Dios ja̧ʼa̧ jȩpö̧ ku̧ni̧nö̧mä̧. Dios I̧huȩnȩ Isä’tä huo̧juȩta̧’a̧ Jeohua ji̧na̧’a̧ aditinömä äcuomenä ttö̧ja̧ i̧sa̧rö̧, isajuru’inä ji̧nä̧ yo̧mȩtȩ ttö̧ja̧cua̧ pä’ö, irecua päi’önä, kirecuo päi’önä (Génesis 2:18-24). Ja̧’hua̧nö̧ ja̧’a̧ttö̧, pätö’a̧nö̧ ja̧’a̧ ttahuaruhuämä kä̧tö̧ Jeohua aditinaʼattö. ¿Tta̧’a̧nö̧ pä’ö recuä rö̧ja̧’a̧ttö̧ pi̧yȩ tu̧huo̧juä̧chi̧ʼa̧ pä’ömä?
Amöcuädi: cua̧hua̧ru̧hua̧rö̧ do’ächö cui̧’cho̧mȩnä̧, ojusode adihuode adiunä adicuaʼa u̧ju̧nä̧ra̧’a̧ tocuʼomenä, cu̧ju̧nä̧ra̧ pä’öjä. Di aditina’a ja̧ pä’ömä, ¿dirö jäcuhuepö’a̧nö̧ ja̧’a̧ttö̧? Iso päi’önä, isode u̧ru̧hua̧rö̧tä̧ jäʼepöjä.
Juhuaʼa jö̧ taʼanö cuahuaruhuäcu eseu cu̧ja̧ päʼö jȩcu̧ʼa̧ päʼö jö̧ cu̧huo̧jua̧ päcuttumä Jeohuarötä jäcuhuepa pä’ö ja̧’a̧, Ja̧u̧tä̧ ttahuaruhuärö aditinaʼattö.
-
Diosmä ujuturu rö̧ȩnä̧ a̧mö̧cuä̧rö̧. Dios I̧huȩnȩ Isä’tänä päa’a “Ja̧u̧tä̧ a̧mö̧cuä̧rö̧ ucuturu” (1 Pedro 5:6, 7). Ja̧’hua̧nö̧ ja̧’a̧ttö̧, ucu cuahuaruhuäcu Chutä I̧huȩnȩ Isä’tänä oicuä huȩnȩ iyö cusätucuttumä rö̧ȩnä̧ ppädäcuaʼa. Jeohuamä pä̧huä̧ rö̧jä̧cu̧ adiu tö̧ja̧ pä’ö. U̧huo̧juȩtö̧mä̧ ʼcuäopönätä ppädä̧u̧jä̧ adiu ti̧’cha̧ pä’ö (Proverbios 3:5, 6; Isaías 48:17, 18).
JÄʼECUI
Ttirecuo, ttirecua, ttä’o, tta̧ju̧ chöttömä, ¿tta̧’a̧nö̧ juhuaʼa yabocu adiu jȩchö̧’a̧nö̧ ja̧’a̧ttö̧?
Cu̧’o̧cui̧ʼö̧’a̧nö̧ ja̧’a̧ pi̧yȩmä̧ EFESIOS 5:1, 2nä, ja̧ʼhua̧ta̧nö̧ COLOSENSES 3:18-21.
Puede que también le interese
UJUTU TÖTÖʼCÖ
¿Tta̧’a̧nö̧ pä’ö tu̧huo̧jui̧’a̧ pä’ö ja̧’a̧ttö̧ Dios I̧huȩnȩ Isä’tämä?
Dios I̧huȩnȩ Isä’tämä pi̧jä̧ pa̧ja̧cu̧nä̧ rö̧ȩnä̧ recuätö ttö̧ja̧rö̧ ppäda’a. Pi̧jä̧nä̧ kä̧nö̧ juiyo jättecu, ädätäcuähuä ttö̧’o̧cui̧’a̧ pä’ö ppäda’a. ¿Ucu’inä cu̧’o̧cui̧’a̧ päcuhua?
UJUTU TÖTÖʼCÖ
Dios I̧huȩnȩ Isä’tä cu̧huo̧jui̧’a̧ pä’ö jä’epitö
Micuä juiyönä Dios I̧huȩnȩ Isä’tättö iso päi’önä huȩnȩ huo̧jui̧pi̧. ¿Torö cu̧huo̧jui̧’a̧ päcuhua’attö? ¿Däje horanä cu̧huo̧jui̧’a̧ päcuhua’attö? Isojänä ji’ähuitö.
