خدا او‌ہناں دے سارے اتھرو پو‌نجھ دَو‌ے گا تے نہ مو‌ت رہو‌ے گی، نہ ماتم، نہ رو‌نا، نہ درد۔ جو کجھ پہلے ہو‌ندا سی او‌ہ سب ختم ہو گیا۔—‏مکاشفہ 21:‏3، 4‏۔‏

تُسی سمجھ جاؤ گے کہ خدا انساناں تے مصیبتاں نئیں لیاندا۔—‏یعقو‌ب 1:‏13‏۔‏

تو‌انو‌ں ایس گل تو‌ں تسلی ملے گی کہ خدا انساناں دی تکلیف نُو‌ں سمجھدا اے۔—‏زکریاہ 2:‏8‏۔‏

تو‌انو‌ں امید ملے گی کہ سارے دُکھ درد ضرو‌ر ختم ہو جان گے۔—‏زبو‌ر 37:‏9-‏11‏۔‏

ذرا دو گلاں تے غو‌ر کرو:‏

• خدا دُکھ درد تے ناانصافی تو‌ں نفرت کردا اے۔‏ جدو‌ں پرانے زمانے چ یہو‌و‌اہ خدا دے خادماں نال بُرا سلو‌ک کیتا گیا تے او‌ہ بو‌ہت دُکھی ہو‌یا۔ ایس لئی خدا نے او‌ہناں نُو‌ں بھیڑے تے ظالم لو‌کاں تو‌ں چھڈایا۔—‏قضاۃ 2:‏18‏۔‏

  خدا نُو‌ں او‌ہناں لو‌کاں تے بڑا غصہ آندا اے جیہڑے دُو‌جیاں نُو‌ں نقصان پو‌نچاندے نیں۔ مثال لئی، پاک کلام چ دَسیا گیا اے کہ خدا نُو‌ں ایہو جہے لو‌کاں تو‌ں بو‌ہت نفرت اے جیہڑے بےگناہ لو‌کاں دا خو‌ن کردے نیں۔—‏امثال 6:‏16، 17‏۔‏

• خدا ساڈے چو‌ں ہر اِک دی فکر کر دا اے۔‏ شاید تو‌انو‌ں لگے کہ تو‌اڈی تکلیف نُو‌ں کو‌ئی نئیں سمجھ سکدا۔ پر یقین رکھو کہ یہو‌و‌اہ خدا جان دا اے کہ تو‌اڈے تے کیہہ بیت رہی اے۔—‏2-‏تو‌اریخ 6:‏29، 30‏۔‏

  یہو‌و‌اہ خدا اپنی بادشاہی دے ذریعے بو‌ہت چھیتی ہر اِک دے دُکھ درد نُو‌ں ختم کر دَو‌ے گا۔ (‏متی 6:‏9، 10‏)‏ پر او‌ہ اَج و‌ی او‌ہناں لو‌کاں نُو‌ں سنبھالدا اے جیہڑے او‌ہدے تے آس رکھدے نیں۔—‏اعمال 17:‏27؛‏ 2-‏کُرنتھیو‌ں 1:‏3، 4‏۔‏