“Aramas koaros . . . pahn iasada sang mehla.”—Wiewia 24:15, Pwuhk Sarawi ni Mahsen en Pohnpei.

• E kin kamweit ni ahnsou me kompoakepahmw kan mehla.—2 Korint 1:3, 4.

• Saledek sang masak mehla.—Ipru 2:15.

• Koapworopwor mehlel ehu en pwurehng tuhwong kompoakpahmw kan me melahr.—Sohn 5:28, 29.

Ei, pwehki kahrepe siluh pwukat:

• Koht iei Sounkapikpen mour. Paipel mahsanih me Siohwa Koht iei “poahsoan en mour koaros.” (Melkahka 36:9; Wiewia 17:24, 25) Ih me ketikihong kapikipik kan koaros mour oh e ketin kak kapwurehiong emen me melahr mour.

• Koht ketin kaiasadahr aramas akan mahs. Paipel kasalehda pak waluh duwen kaiasadahn aramas nin sampah—me pwulopwul, me mah, ohl oh lih. Ekei rehrail mehla erein awa kei, ahpw emen mehla oh mi nan sousou erein rahn pahieu!—Sohn 11:39-44.

• Koht kin ketin kupwurki pwurehng wia met. Siohwa ketin kalahdeki mehla; e ketin kilangwohng mehla duwehte imwintihti men. (1 Korint 15:26) E ketin kupwurki kalowehdi imwintihti menet pwehn kasohrekihla mehla kaiasada. E ketin kupwurki kapwurehdo irail me e ketin tamataman oh kupwurki kilang irail en pwurehng mour nin sampah.—Sohp 14:14, 15.