‏«[خدای] به د هغوی د سترګو هره یوه اوښکه وچه کړي،‏ نور به نه مرګ،‏ نه ماتم،‏ نه نارې او نه درد وي.‏ پخواني شیان تېر شوي دي» (‏مُکاشفه ۲۱:‏۴‏،‏ د نوې نړۍ ژباړه)‏.‏

هغه کار،‏ چې تاسو ته خوښېږي او د رضایت وړ دی،‏ به کوئ (‏یشعیاه ۶۵:‏۲۱-‏۲۳‏)‏.‏

ناروغۍ،‏ کړېدل او عذابونه به هېڅکله نور نه وي (‏یشعیاه ۲۵:‏۸؛‏ ۳۳:‏۲۴‏)‏.‏

د خپلو ګرانو عزیزانو سره به په خوشحالۍ د تل دپاره ژوند کوئ (‏زبور ۳۷:‏۱۱،‏ ۲۹‏)‏.‏

د لاندې دلایلو له خاطره:‏

• خدای قدرت لري چې خپله وعده تر سره کړي‏.‏ د خدای کلام وایي،‏ چې یوازې یَهّوه خدای «قادرمطلق دی» ځکه چې دی بې حده قدرت لري (‏مُکاشفه ۱۵:‏۳‏)‏.‏ یعنی دی به خپله وعده د ښایستې نړۍ د جوړولو په اړه حتماً تر سره کړي.‏ د خدای په کلام کې لیکل شوی دي چې «خدای هر څه کولی شي» (‏متی ۱۹:‏۲۶‏)‏.‏

• خدای ډېر غواړي چې خپل نیت تر سره کړي.‏ د مثال په ډول خدای ډېر ارمان لري چې مړي بېرته راژوندي کړي (‏ایوب ۱۴:‏۱۴،‏ ۱۵‏)‏.‏

  د خدای کلام ښیي چې عیسیٰ مسیح د ناروغانو درملنه کوله.‏ ولې دی خلک تداوي کول؟‏ ځکه چې دغه د ده د زړه له کومي غوښتنه وه (‏مرقوس ۱:‏۴۰،‏ ۴۱‏)‏.‏ عیسیٰ د خوارو خلکو سره مرسته کوله ځکه چې د ده خوښه د خدای د خوښې سره سمه ده (‏یوحنا ۱۴:‏۹‏)‏.‏

  ډاډه اوسئ:‏ مونږ پوره اطمینان لرو،‏ څنګه چې خدای غواړي،‏ همداسې عیسیٰ مسیح غواړي چې مونږ ښایسته راتلونکی ولرو (‏زبور ۷۲:‏۱۲-‏۱۴؛‏ ۱۴۵:‏۱۶؛‏ دوېم پطروس ۳:‏۹‏)‏.‏