‏«ټولې مقدسې لیکنې د خدای له خوا اِلهام شوي دي» (‏دوېم تیموتیوس ۳:‏۱۶‏،‏ د نوې نړۍ ژباړه)‏.‏

د خدای کلام د ژوند مهمو پوښتنو ته ځوابونه ورکوي (‏دوېم تیموتیوس ۲:‏۷‏)‏.‏

د ورځني ژوند لپاره د اعتماد وړ لارښوونه ورکوي (‏زبور ۱۱۹:‏۱۰۵‏)‏.‏

د راتلونکي لپاره رښتنې هیله ورکوي (‏رومیانو ۱۵:‏۴‏)‏.‏

د لاندې دلایلو له خاطره:‏

• بې ساري همغږي.‏ دغه کتاب د ۴۰ کسانو له خوا د ۱۶۰۰ کالو په موده کې لیکل شوی دی.‏ ډېر د هغوی څخه یو بل سره نه پیژندل.‏ سره له دې ټول کتاب یوه اصلی موضوع مطرح کوي.‏

• صادق لیکوالان.‏ د تاریخ لیکوالان اکثراً د خپل ملت ناکامي پټوي او نه لیکي،‏ خو د خدای کلام لیکوالان هم خپلې او هم د خپل ملت کمزوری او غلطۍ په باره کې رښتیا لیکلي دي (‏دوېم تاریخ ۳۶:‏۱۵،‏ ۱۶ او زبور ۵۱:‏۱-‏۴‏)‏.‏

• دقیق او د باور وړ وړاندوېینه.‏ د خدای په کلام کې د بابل د ورانولو په باره کې وړاندوېینه له ټولو جزئیاتو سره لیکل شوې ده (‏یشعیاه ۱۳:‏۱۷-‏۲۲‏)‏.‏ مثلاً د بابل د وېجاړېدو په باره کې ۲۰۰ کاله مخکې وړاندوېینه شوې ده،‏ چې څنګه به دغه ښار ونیول شي او حتی د فاتح نوم،‏ ستر کوروش،‏ یاد شوی دی (‏یشعیاه ۴۵:‏۱-‏۳‏)‏.‏

  ګڼ شمېر نورې وړاندوېینې له ټولو جزئیاتو سره تر سره شوې دي.‏ دغه حقیقت ثابتوي،‏ چې مقدس کتاب د خدای له خوا نازل شوی دی (‏دوېم پطروس ۱:‏۲۱‏)‏.‏