Amós 9:1-15
9 Altar* patapi Jehová Diosta rikorqani.+ Paytaj niwarqa: “Pilarespa pata puntasninta wajtay, wasi punkustaj kuyurenqanku. Pilarespa pata puntasninta phawachiy, noqataj espadawan wañurachisaj llajtapi puchojkunata. Ayqekojkunaqa mana salvakonqankuchu, ayqeyta munajkunapis mana ayqeyta atenqankuchu.+
2 Pakakunankupaj Sepulturata* allakojtinkupis,chaymanta paykunata makiywan orqhomusaj.
Cieloman wicharejtinkupis,chaymanta uraykuchimusaj.
3 Carmelo orqo puntapi pakakamojtinkupis,chaypi paykunata maskʼamusaj, apamusajtaj.+
Ukhu mar qochapi ñawisniy rikunanmanta pakakojtinkupis,uj katarita kachasaj paykunata khanimunanpaj.
4 Paykunata enemigosninkoj jallpʼankuman presosta apakapojtinkupis,chaypi espadata kamachisaj paykunata wañuchinanpaj, espadataj paykunata wañurachenqa.+
Noqa paykunataqa qhawamullasajpuni sajra imasta apachimunaypaj, manataj allin imastachu.+
5 Angelespa kamachejnin Tukuyta Kamachej Señor Jehová Diosqa, nacionta* llankharin,naciontaj unuyapun.+ Chaypi tukuy tiyakojkunataj llakiyta waqanqanku.+
Tukuy nacionnintin Nilo mayu jina oqharikonqa,Egiptomanta Nilo mayu jinataj uraykonqa.+
6 ‘Payqa cielopi escaleranta ruwan,jallpʼa patapitaj uj techota* churan.
Paymin mar qocha yakusta tantaykun,jallpʼa pataman jichʼaykamunanpaj...+
Paypa sutenqa Jehová’.+
7 Jehová Diosqa nin: ‘Israelmanta runas, ¿manachu noqapajqa cusitaspa wawasnin jina kankichej?’.
‘¿Manachu noqaqa Israelta Egipto jallpʼamanta orqhomorqani?+
¿Manachu filisteostapis Cretamanta orqhomorqani,+ siriostapis Quirmanta orqhomorqani?’.+
8 ‘Qhawaychej, noqa Tukuyta Kamachej Señor Jehová Diosqa juchasapa nacionta qhawamushani,jallpʼa patamantataj chinkarparichisaj.+
Ajinapis Jacobpa miraynintaqa mana tukuynintachu chinkarparichisaj’,+ nispa nin Jehová Diosqa.
9 ‘Qhawariychej, uj kamachiyta qosaj,Israel naciontataj thalasaj tukuy naciones ukhupi,+imaynatachus uj suysunata thalanchej,nitaj uj rumisitullapis pampaman tʼakakunchu ajinata.
10 Llajtaymanta tukuy juchasapas espadawan wañuchisqas kanqanku,Paykunaqa ninku: “Ñakʼareyqa mana chayamuwasunchu, nitaj taripawasunchu”, nispa’.
11 ‘Chay pʼunchayqa Davidpa urmasqa chʼujllanta* sayarichisaj.+
Perqaspa lajrasqasnintataj allinchaykusaj,raqaykunasnintapis* sayarichisaj.
Noqa watejmanta sayarichisaj unay tiempospi karqa ajina kananpaj.+
12 Ajinamanta llajtayqa kausashankuraj chay edomitasta kamachenqa,+tukuy nacionestapis, pikunachus sutiyta apanku chaykunata’, nispa nin Jehová Diosqa, pichus kayta ruwan chay.
13 Jehová Diosqa nin: ‘Pʼunchaykuna qayllamushan,chaypachataj niraj cosechata oqhariyta tukushajtinku llankʼana tiempoña kanqa.
Niraj uvasta sarushajtinkutaj tarpuna tiempoña kanqa.+
Orqosmantaqa miskʼi vino sutʼurimonqa,*+lomasnintataj uraykurimonqa.*+
14 Israelmanta kajkunataqa presos apasqa kasqankumanta kutichimusaj.+
Paykunaqa chʼin llajtasta watejmanta jatarichenqanku, chaypitaj tiyakonqanku.+
Uvasta plantanqanku, chay uvasmanta vinotataj tomanqanku.+
Huertasta ruwakonqanku, chay huertaspi poqosqantataj mikhonqanku’,+ nispa.
15 Jehová Diosniykeqa nin: ‘Noqa paykunata jallpʼankuman plantasaj,nitaj jaykʼajpis tʼirasqachu kanqanku,qorqani chay jallpʼamantaqa’,+ nispa”.
Sutʼinchaykunasnin
^ Chayri “jallpʼata”.
^ Chayri “muyu techota”.
^ Chayri “toldo wasinta”.
^ Raqay: waj lugarespi ninku laqayas.
^ Hebreo parlaypeqa nin, “tukuy lomastaj unuyaponqanku”.
^ Sutʼuy: waj lugarespi ninku chʼaqay.
