Isaías 53:1-12
53 ¿Pitaj willasqaykuta* creenri?+
Jehová Diospa makinpa atiyninpis,+ ¿pimantaj rikuchisqa karqari?+
2 Payqa ramita jina+ paypa ñaupaqenpi* rikhurenqa, chʼaki jallpʼapi saphi jina.
Rijchʼaynenqa mana kʼachitupunichu, nitaj kʼancharinchu.+
Qhawarisqaqa mana kʼachituchu kaspa jinan.*
3 Payqa pisipaj qhawasqa karqa, runaspis paymanta karunchakorqanku,+payqa sinchʼi nanayta pasanan karqa,* onqoykunatapis sumajta rejserqa.
Uyanqa noqanchejmanta pakasqa jina karqa.*
Pisipaj qhawasqa karqa, noqanchejqa ni imapaj valejta jina qhawarqanchej.+
4 Pay kikin onqoyninchejta aparqa,+nanaykunasninchejtapis qʼeperqa.+
Noqanchejtajrí payta qhawarqanchej Diospa castigasqanta jina,* Diospa maqasqanta jina, Diospa ñakʼarichisqanta jina.
5 Paytaqa juchasninchejrayku+ tʼojserqanku,+pantasqasninchejrayku sinchʼita ñakʼaricherqanku.+
Chay castigota aguantarqa sonqo tiyasqa kananchejpaj,+nanasqasninrayku sanoyachisqa kanchej.+
6 Tukuyninchej chinkasqa ovejas jina purerqanchej,+sapa ujninchej ñanninchejta japʼirerqanchej,Jehová Diostajrí tukuyninchejpa juchasninchejta payman qʼepiriykucherqa.+
7 Paytaqa sufricherqanku,+ saqekullarqa ñakʼarichinankuta,+manataj imatapis nerqachu.
Paytaqa ovejata jina ñakʼanaman* aparqanku,+imaynatachus ovejaqa chʼinllamanta millmanta ruthuchikun,ajinallatataj paypis chʼinlla kakorqa.+
8 Paytaqa ñakʼarichispa, qhasimanta juchachaspa apakaporqanku.
¿Pitaj yachayta munanqa pejpa mirayninmantachus kasqanta?*
Payqa kausajkunaj jallpʼanku ukhumanta chinkarichisqa karqa.+
Nacionniypa juchasninrayku maqasqa karqa.*+
9 Sajra runaswan khuska sepulturapi pʼampasqa karqa,*+wañojtintaj qhapajkunatawan* khuska pʼamparqanku,+mana ima juchata ruwashajtinpis,mana ima llullata parlashajtinpis.+
10 Ñakʼarinanqa Jehová Diospa munaynin karqa, qhawallarqa onqoykunanta.
Sichus kausayninta pantasqarayku ofrendata jina jaywanki chayqa,+payqa mirayninta rejsenqaraj, unaytataj kausanqa,+Jehová Diospa munaynintaj paynejta juntʼakonqa.+
11 Mayta ñakʼarisqantawan, allinpaj kasqanta reparanqa, sonqo juntʼasqataj kanqa.
Cheqan kamacheyqa+ yachayninnejtaashkha runasta yanapanqa cheqan runaspaj qhawasqa kanankupaj,+juchasninkutataj apanqa.+
12 Chayrayku ashkha runas chaupipi imatachus japʼinanta qosaj,guerrapi qhechusqantaqa atiyniyojkunawan partinakonqa,payqa kausayninta qorqa,+juchasapaswantaj yupasqa karqa.+
Ashkha runaspa juchasninkuta aparqa,+juchasapaspaj Diosmanta mañaporqa.+
Sutʼinchaykunasnin
^ Chayri “noqaykumanta uyarisqankuta”. Ichá nillanmantaj “uyarisqaykuta”.
^ Paypa ñaupaqenpi nispaqa pichus qhawashan chaymanta parlashanman, chayri Diosmantapis.
^ Chayri “mana munakunapaj jinachu imanpis kaspa jinan”.
^ Chayri “rejserqa”.
^ Ichá nillanmantaj “Mana rikuyta munasqanku runa jina karqa”.
^ Chayri “onqoywan ñakʼarichisqata jina”.
^ Ñakʼay: waj lugarespi ninku degollay, wañuchiy.
^ Chayri “imaynatachus kausakusqanmanta”.
^ Chayri “wañuchisqa karqa”.
^ Hebreo parlaypeqa nin, “qhapaj runatawan”.
^ Chayri “Pichá sepulturanta qonqa sajra runaswan khuska pʼampasqa kananpaj”.
