¿Ajinallapunichu kausay kanqa?
¿Ima niwajtaj?
-
¿Ajinallapuni kanantachu niwaj?
-
¿Astawan peorman tukunantachu niwaj?
-
¿Allinyanantachu niwaj?
BIBLIAQA NIWANCHEJ
“Diosmin [...] ñawisninkumanta tukuy waqayta pichanqa, manañataj wañuy kanqachu, nitaj llakiypis, nitaj waqaypis, nitaj nanaypis. Chay ñaupaj kaj imasqa chinkapunña” (Apocalipsis 21:3, 4, Diospa Palabran).
KAYTA YACHAYQA YANAPAWANCHEJ
Tukuypis trabajoyoj kaspa kusisqa kasunchej (Isaías 65:21-23).
Manaña onqosunchu, niñataj sufrisunchu (Isaías 25:8; 33:24).
Familianchejwan, amigosninchejwan wiñaypaj kusisqa kausakusunchej (Salmo 37:11, 29).
¿IMARAYKUTAJ BIBLIAJ NISQANPI CREESUNMAN?
Kay iskay imasrayku:
-
Diosqa nisqanta juntʼananpaj atiyniyoj. Bibliaqa Jehová Dioslla “Tukuy Atiyniyoj” kasqanta nin. Atiynintaj mana tukukuyniyoj (Apocalipsis 15:3). Chayrayku payqa kay mundoman allin kausayta apamuyta atin. Chantapis Bibliaqa niwanchej: “Diospajrí tukuy imapis atikullan”, nispa (Mateo 19:26).
-
Diosqa allin kausayta apamuyta munan. Payqa wañusqasta mayta kausarichiyta munashan (Job 14:14, 15).
Chantapis Bibliaqa nillantaj, Diospa Wawan Jesús onqosqasta sanoyachisqanta. Chaytataj ruwarqa onqosqasta yanapariyta munaspa (Marcos 1:40, 41). Jesusqa Tatan jinapuni runasta yanapariyta munarqa (Juan 5:19).
Arí, Jehová Diosninchejwan Jesuswanqa, aswan qhepaman kusisqa kausakunanchejta munanku (Salmo 72:12-14; 145:16; 2 Pedro 3:9).
¿KAYTA YACHAYTA MUNAWAJCHU?
¿Imatataj Dios ruwanqa kay mundopi allin kausay kananpaj?
Chayta yachanaykipaj leeriy: MATEO 6:9, 10; DANIEL 2:44.
Kaykunatapis qhawaykurillawajtaj
TORREMANTA QHAWAJ
¿Imaynataj kausay qhepaman kanqa?
Yachakuy imatachus Diosninchej nisqanta aswan qhepaman imaynachus jallpʼapi kausay kananmanta, pikunachus chaypi tiyakunankumanta ima.
BIBLIAMANTA SUMAJ YACHACHIYKUNA
¿Imastataj Diospa Gobiernon ruwanqa?
Jesusqa kay Jallpʼapi kashaspa Diospa Gobiernonmanta astawan parlarqa, ni imamantapis jinata parlarqachu. Jesuspa yachachisqasnenqa, chaymantapacha Diospa Gobiernon jamunanta mañakunku.
TORREMANTA QHAWAJ
¿Imastataj Diospa Gobiernon ruwanqa?
Jesusqa yacharqa Diospa Gobiernollan kay jallpʼamanta tukuy problemasta allinchayta atisqanta. ¿Imajtintaj Diospa Gobiernonpi atienekusunman?
