¿Biblia Diospa Palabranpunichu?
¿Ima niwajtaj?
-
¿“Arí” niwajchu?
-
¿“Mana” niwajchu?
-
¿“Ichapis” niwajchu?
BIBLIAQA NIWANCHEJ
“Diosmanta tukuy Qhelqasqaqa Diospa yuyaychasqan kashan” (2 Timoteo 3:16, Diospa Palabran).
KAYTA YACHAYQA YANAPAWANCHEJ
Kausayninchejpi (Proverbios 2:1-5).
Tukuy ima ruwasqanchejpi (Salmo 119:105).
Suyakuyniyoj kananchejpaj (Romanos 15:4).
¿IMARAYKUTAJ BIBLIAJ NISQANPI CREESUNMAN?
Kay kinsa imasrayku:
-
Bibliaqa mana iskaytachu parlan. Bibliaqa 1.600 kuraj wataspi qhelqakorqa, 40 runas jinataj qhelqarqanku. Paykunamanta ashkhastaj mana rejsinakullarqankupischu. Jinapis tukuynin Bibliaqa ujllata parlan, manataj iskaytachu.
-
Bibliata qhelqajkunaqa ni imata pakarqankuchu. Wakin librosta qhelqajkunaqa nacionninku enemigosninkuwan atipachikusqankuta mana qhelqarqankuchu. Bibliata qhelqajkunarí, ni imata pakarqankuchu. Paykunaqa ima pantasqankutapis, nacionninku enemigosninkuwan atipachikusqankutapis qhelqarqanku (2 Crónicas 36:15, 16; Salmo 51:1-4).
-
Bibliaj nisqanqa juntʼakun. Bibliaqa 200 watas ñaupajtaña nerqa, Babilonia llajta thuñisqa kananta (Isaías 13:17-22). Chantapis nillarqataj pichus chay llajtata thuñinanta (Isaías 45:1-3). Chaytaj juntʼakorqapuni.
Bibliaj waj nisqasninpis juntʼakullarqankutaj. Chaytaj rikuchin Bibliaqa Diospa Palabranpuni kasqanta (2 Pedro 1:21).
¿KAYTA YACHAYTA MUNAWAJCHU?
¿Aswan allin runa kanapaj Biblia yanapawanchejchu?
Chayta yachanaykipaj leeriy: ISAÍAS 48:17, 18; 2 TIMOTEO 3:16, 17.
Kaykunatapis qhawaykurillawajtaj
BIBLIAMANTA SUMAJ YACHACHIYKUNA
Bibliaqa cheqata parlan
Diospuni Bibliata qhelqacherqa chayqa, mana mayqen libro jinallachu kanan tiyan.
NOQAYKUMANTA
¿Imaraykutaj Bibliamanta yachakuna?
May chhika runas Bibliapi tukuy tapuykunasninman kutichiykunata tarinku. Kay libromanta noqaykuwan yachakuy.
