KAY jatun pescadoqa, uj micromanta aswan jatun, aswan llasataj. Jinapis mar ukhupi ratolla purin, usqhayllatataj muyuykachan. ¿Imaynatá chayta ruwayta atin? Chaypajqa aletasnin yanapan.

Kaypi piensariy: Casi tukuynin jatuchaj pescadospa aletasnenqa, lluskʼalla kanku. Jinapis kʼuru wasa chayri moqo wasa ballenaj aletasnenqa, qʼasa qʼasitasniyoj. Chay qʼasa qʼasitasnintaj, yakuta molino jina usqhayllata muyuchin. Chayrayku chay jatun pescadoqa, usqhayllata yakupi puriyta atin, muyuykachaytapis. Chantapis aletasnin may jatun kajtinpis, yakoqa mana jarkʼanchu. Astawanpis usqhayllata purin.

Cientificosqa kay jatun pescadomanta yachakuspa, aletasninman rijchʼakojta ruwayta munashanku: barcosta apaykachanapaj volantesta, corrienteta orqhonapaj yaku molinosta, wayrawan kuyoj molinosta, helicopteroj mariposanta ima. Ajinamanta chay imasta aswan sumajman tukuchinankupaj.

¿Ima niwajtaj? Kʼuru wasa ballenaj aletasnin, ¿jinallamantachu rikhurinman karqa? Chayrí, ¿Diospunichu ruwanman karqa?