Nehemías 10:1-39
10 (2) Tsay qelqashqanta firmapäkurqan Hacalíaspa tsurin gobernador Nehemías y Sedequías.
2 (3) Tsaynöpis firmapäkurqan Seraías, Azarías, Jeremías,
3 (4) Pasur, Amarías, Malquías,
4 (5) Hatús, Sebanías, Maluc,
5 (6) Harim, Meremot, Obadías,
6 (7) Daniel, Ginetón, Baruc,
7 (8) Mesulam, Abías, Mijamín,
8 (9) Maazías, Bilgai y Semaías. Paykunaqa lapanmi cürakuna karqan.
9 (10) Tsaynöpis firmaq levitakuna karqan Azaníaspa tsurin Jesúa, Henadadpita miraq Binúi, Cadmiel
10 (11) y levita mayinkuna Sebanías, Hodías, Kelita, Pelaías, Hanán,
11 (12) Micaía, Rehob, Hasabías,
12 (13) Zacur, Serebías, Sebanías,
13 (14) Hodías, Bani y Beninu.
14 (15) Qelqashqanta firmaq mandaqkunanami karqan Paros, Pahat-moab, Elam, Zatu, Bani,
15 (16) Buni, Azgad, Bebai,
16 (17) Adonías, Bigvai, Adín,
17 (18) Ater, Ezequías, Azur,
18 (19) Hodías, Hasum, Bezai,
19 (20) Harif, Anatot, Nebai,
20 (21) Magpías, Mesulam, Hezir,
21 (22) Mesezabeel, Sadoc, Jadúa,
22 (23) Pelatías, Hanán, Anaías,
23 (24) Oseas, Hananías, Hasub,
24 (25) Halohes, Pilha, Sobec,
25 (26) Rehum, Hasabna, Maasías,
26 (27) Ahías, Hanán, Anán,
27 (28) Maluc, Harim y Baana.
28 (29) Wakin firmaq runakunanami karqan cürakuna, levitakuna, punku täpaqkuna, cantaqkuna, templucho aruqkuna y Tayta Diospa leyninkunata cumplinanpaq jäpa runakunapita witikuqkunapis. Paykunawanmi karqan warminkuna, olqu tsurinkuna y warmi tsurinkuna. Tsay tsurinkunaqa lapanpis tantiyakuqnami karqan.
29 (30) Aylunkunawan y mandaqninkunawan juntakarmi jurashpan promitipäkurqan Moisés chaskishqan leykunata imaypis cäsukärinanpaq. Tsaynöpis promitipäkurqan TAYTA DIOSNINTSIPA lapan mandamientunkunata, ordenashqankunata y estatütunkunata cäsukärinanpaqmi.
30 (31) Tsaymi kayno nipäkurqan: “Promitiykantsi mana Israel mözukunawan jipash tsurintsikunata mana tätsinantsipaq y mana Israel jipashkunawan olqu tsurintsikunata mana tätsinantsipaq.
31 (32) “Tsaynöpis promitiykantsi jamay junaqcho o mayqan fiesta junaqchöpis imatapis mana rantinantsipaq. Manami rantishuntsu kaycho taq mana Israel runakuna negociunta rantikuq apamuptinpis o mikuykunata rantikuq apamuptinpis.
“Tsaynölami promitiykantsi qanchis kaq watacho chakrantsikunata mana murunantsipaq y jaqantsikunatapis mana cobranantsipaq.
32 (33) “Tsay jananmanpis promitiykantsi cada wata chusku grämu qellayta Tayta Diosnintsipa templuncho gastukunapaq ofrendata churanantsipaq.
33 (34) Tsay qellaymi kanqa *sagrädu tantapaq, waran waran rupatsina tsaki mikuy ofrendapaq, waran waran rupatsina sacrificiukunapaq, jamay junaq sacrificiukunapaq, lulu killacho y wakin fiestakunachöpis sacrificiukunapaq, sagrädu ofrendakunapaq, jutsata rurapäkushqanpita purificatsina sacrificiukunapaq y Tayta Diosnintsita adoraptintsi templucho gastupaqpis.
34 (35) “Tsaynöpis promitiykantsi TAYTA DIOSNINTSIPA templunman yantata apanantsipaq. Tsay yantawanmi Diosnintsipa leyninkunacho qelqaraykashqanno *altarcho sacrificiuta rupatsipäkunqa. Ayluntsita imay turnun töcashqanta musyanantsipaqmi suertita jitashqantsi. Tsaynöpami cüra karpis, levita karpis o común runa karpis turnu töcamaptintsiqa yantata cada wata apashun.
35 (36) “Tsaynöpis promitiykantsi TAYTA DIOSPA templunman cada wata *primiciata apanantsipaq. Tsayno apashun cosëchapita o yörakunapa wayuyninpita cosecharpis.
36 (37) Diosnintsipa leyninkunacho qelqaraykashqanno qechpa tsurintsitapis templucho sirviq cürakunata entregashun. Tsaynöpis wäkantsikunapa, uyshantsikunapa y cabrantsikunapa punta yuriq orqu wawankunatapis entregashun.
37 (38) Tsaynöpis primiciata aparqa Tayta Diosnintsipa templuncho kaq almacén cuartukunaman alinnin kaqkunata entregashun. Tsayno entregashun aqatsikushqantsipita kaptinpis, yörakunapa punta kaq wayuyninpita kaptinpis, tsayraq rurashqa vïnupita kaptinpis y aceitipita kaptinpis. Tsaykuna kanqa cürakunapaqmi.
“Tsaynöpis cosëchantsipita *diezmuta levitakunapaq shuntashun. Paykunami markantsikunacho diezmuta shuntapäkun.
38 (39) Levitakuna diezmuta shuntaptin Aarón aylu juk cüra yanaqätsun. Levitakunapis diezmupita diezmuta rakirkur almacén cuartukunaman churananpaq Tayta Diosnintsipa templunman apapäkutsun.
39 (40) “Levita o mana levita karpis trïgu ofrendata, mushuq vïnu ofrendata y aceiti ofrendata apashun. Tsaykunata shuntashun templucho kaykaq almacén cuartukunaman. Tsaychömi sagrädu manëjukuna karkaykan. Tsaynöpis tsaychömi karkaykan turnun töcaptin cürakuna, punku täpaqkuna y cantaqkuna.
“Tayta Diosnintsita templuncho imaypis sirvipäkunanpaq lapan nistashqankunata promitishqantsinöla kamaripäshun”.
Ichic wilacuycuna
^ sagrädu Liyinki santupita tantiyatsikuyta.
^ altar Altarkunaqa karqan rumiwan perqashqa y qerupita ruraykur jananpa y rurinpa bronciwan enchapashqami. Tsay altarkunachömi uywakunata rupatsir runakuna jutsankunapita perdonashqa kananpaq cürakuna Tayta Diosta manakäriq. Tsaynölami templu rurincho qoripita rurashqa taksha altarpis karqan. Tsaychömi cürakuna inciensuwan qoshtatsiq. Rumipita perqashqa altar imano kashqanta musyanaykipaq rikanki 2Sam. 24.18-cho kaq dibüjuta. Tayta Diosta mana cäsukuq runakunapis altarkunata ruraykurmi ïdulukunata adorapäkuq (Éxo. 30.1-10; Deut. 27.5-6; 2Rey. 16.10-16; 2Crón. 4.1).
^ primicia Primiciaqa kaykan Israel runakuna qechpa kaqkunata y chakrancho punta poquqkunata Tayta Diospaq apashqanmi (Éxo. 23.19; Lev. 2.11-12; Deut. 14.23; 18.3-4; 26.1-11; 2Crón. 31.11-12; Neh. 10.35-37; 12.44; Eze. 44.30; Rom. 8.23; Apoc. 14.4).
^ diezmu Diezmuqa cada chunkapita jukta Tayta Diospaq rakishqanmi kaykan. Tsaytaqa rakin qellaypita, uywakunapita y mikuykunapitami (Gén. 14.17-20; Deut. 14.22; Mat. 23.23).
