Nehemías 12:1-47
12 Babiloniapita Jerusalénman aywarmi Salatielpa tsurin Zorobabel y mandaq cüra Jesúa pusharqan cürakunata y *levitakunata. Pushashqan cürakunami karqan Seraías, Jeremías, Esdras,
2 Amarías, Maluc, Hatús,
3 Secanías, Rehum, Meremot,
4 Iddo, Gineto, Abías,
5 Mijamín, Maadías, Bilga
6 y Semaías. Paykunawanmi aywarqan Joiarib, Jedaías,
7 Salú, Amoc, Hilcías y Jedaías. Wakin karqan cürakunapa mandaqnin y wakinnami karqan común cürakuna. Paykuna cüra karqan Jesúa mandaq cüra kashqan witsanmi.
8 Pushashqan levitakunami karqan Jesúa, Binúi, Cadmiel, Serebías, Judá y Matanías. Paykunami levita mayinkunawan Tayta Diosta alabapäkuq.
9 Tayta Diosta alabaptinmi Bacbuquías y Unipis nawpanman ichikurqan Diosta alabananpaq. Paykunapis levitami karqan.
10 Jesúa karqan Joiacimpa taytanmi. Joiacimqa karqan Eliasibpa taytanmi. Eliasibqa karqan Joiadapa taytanmi.
11 Joiadaqa karqan Jonatánpa taytanmi. Jonatánqa karqan Jadúapa taytanmi.
12 Kaychömi qelqaraykan cüra aylukunapa mandaqninkuna pï pï kashqanpis. Paykunaqa mandaq karqan Joiacim mandaq cüra kashqan witsanmi:Seraías aylucho mandaq karqan Meraías.Jeremías aylucho mandaq karqan Hananías.
13 Esdras aylucho mandaq karqan Mesulam.Amarías aylucho mandaq karqan Johanán.
14 Melicú aylucho mandaq karqan Jonatán.Sebanías aylucho mandaq karqan José.
15 Harim aylucho mandaq karqan Adna.Meraiot aylucho mandaq karqan Helcai.
16 Iddo aylucho mandaq karqan Zacarías.Ginetón aylucho mandaq karqan Mesulam.
17 Abías aylucho mandaq karqan Zicri.Miniamín aylucho mandaq karqan....*Moadías aylucho mandaq karqan Piltai.
18 Bilga aylucho mandaq karqan Samúa.Semaías aylucho mandaq karqan Jonatán.
19 Joiarib aylucho mandaq karqan Matenai.Jedaías aylucho mandaq karqan Uzi.
20 Salai aylucho mandaq karqan Calai.Amoc aylucho mandaq karqan Eber.
21 Hilcías aylucho mandaq karqan Hasabías.Jedaías aylucho mandaq karqan Natanael.
22 Levitakunapa mandaqninkuna y cüra aylukunapa mandaqninkuna pï pï kashqanta padrunapäkurqan Eliasib mandaq cüra kashqan witsan, Joiada mandaq cüra kashqan witsan, Johanán mandaq cüra kashqan witsan y Jadúa mandaq cüra kashqan witsan. Tsayno qelqapäkurqan hasta Persia nacioncho rey Darío mandashqan witsanyaqmi.
23 Levitakunapa mandaqninkuna acta libruman jutinkunata tsayno padrunapäkurqan hasta Eliasibpa tsurin Johanán wanushqanyaqmi.
24 Levitakunapa mandaqninkunami karqan Hasabías, Serebías y Cadmielpa tsurin Jesúa. Paykunapa nawpanmanmi levita mayinkuna ichikurqan Tayta Diosta agradëcikur alabäshinanpaq. Tayta Diosta sirviq Davidmi unay nirqan turnun töcaptin tsayno cantananpaq.
25 Almacén cuartukunata täpaqkuna karqan Matanías, Bacbuquías, Obadías, Mesulam, Talmón y Acub. Tsay cuartukunaqa templu patiuman yaykuna punkukuna nawpanchömi karqan.
26 Paykunaqa kawarqan Jesúapa tsurin Joiacim mandaq cüra kashqan witsanmi. Joiacimqa karqan Josadacpa wilkanmi. Tsaynöpis paykuna kawarqan Nehemías gobernador kashqan witsan y cüra Esdras leyta yachatsishqan witsanmi.
Jerusalén murällata inaurashqan
27 Murällata sharkatsiyta usharkurnami inaurananpaq *levitakunata maytsaycho taptinpis Jerusalénman qayatsimurqan. Tsayno qayatsimurqan platïllukunata, *salteriukunata y arpakunata tukar Tayta Diosta agradëcikur kushikuypita cantapäkunanpaqmi.
28 Tsaymi cantananpaq levitakuna juntakarqan Jerusalénpa nawpan markakunapita y Netofapa nawpan markakunapita.
29 Tsaynöpis juntakarqan Gilgal caseriupita y Geba y Azmavet partikunapita. Tsay partikunachömi levitakuna wayinkunata sharkatsishqa karqan.
30 Fiestata rurananpaqmi puntata cürakuna y levitakuna armakur purificakärirqan. Nirkurnami purificarqan runakunata, marka murällata y murällapa punkunkunata.
31 Tsaypitanami Judá provinciapa mandaqninkunata witsätsirqä murälla jananman. Tsaychömi churarqä ishkay grüpu cantaqkunata. Punta kaq grüpumi alawqa kaq lädupa aywarqan Muka Jitakuna jutiyuq punku jananpa.
32 Paykunapa qepantami aywarqan Osaías pulan Judá mandaqkunata pushashqa.
33 Tsaynöpis aywarqan Azarías, Esdras, Mesulam,
34 Judá, Benjamín, Semaías y Jeremías.
35 -
36 Paykunaqa lapanpis cürakunami karqan. Tsay cürakunami *cornëtata tukaraykar aywarqan. Paykunawanmi aywarqan Zacarías y aylunkuna Semaías, Azarael, Milalai, Gilalai, Maai, Natanael, Judá y Hanani. (Zacaríasqa karqan Jonatánpa tsurin, Jonatán karqan Semaíaspa tsurin, Semaías karqan Mataníaspa tsurin, Matanías karqan Micaíaspa tsurin, Micaías karqan Zacurpa tsurin y Zacur karqan Asafpa tsurin.) Tsay cürakunami instrumentukunata tukaraykar lapan aywapäkurqan. Tsay instrumentukunaqa Tayta Diosta sirviq David tukashqan instrumentunömi karqan. Paykunapa nawpantami aywarqan leykunata yachatsiq Esdraspis.
37 Pukyu jutiyuq punkuman chayaykurmi grädapa witsarqan *Davidpa Markan nishqan partiyaq. Tsaypa aywarmi pasarqan Davidpa palaciunpa. Nirkurna inti jeqamunan kaq lädupa pasar chayarqan Yaku jutiyuq punkuyaq.
38 Ishkay kaq grüpu cantaqkunanami itsuq kaq lädupa aywapäkurqan murälla jananpa. Qepanta wakin runakunawan juntu noqapis aywarqä. Pasapäkurqä Horno törrita, Anchu Perqa nishqanta,
39 Efraín punku jananpa, Jesana punku jananpa, Pescädu punku jananpa, Hananeel törrita, Pachak jutiyuq törrita y Uyshakuna punku jananpa. Wardiakuna jutiyuq punku jananman chayaykurmi ichikärirqä.
40 Tsaypitanami ishkan grüpu cantaqkuna Tayta Diospa templunman chayaykur sitiunman kama churanakärirqan. Noqapis tsaynölami yanaqämaq mandaqkunawan churanakärirqä.
41 Cornëtan aptashqa cürakunapis noqawanmi karkaykarqan. Tsay cürakunami karqan Eliacim, Maaseías, Miniamín, Micaías, Elioenai, Zacarías y Hananías.
42 Paykunapa qepantami aywapäkurqan Maasías, Semaías, Eleazar, Uzi, Johanán, Malquías, Elam y Ezer. Alabanzakunata cantaqkunami fuertipa cantapäkurqan. Paykunapa directorninmi karqan Izrahías.
43 Tsay junaqmi Tayta Diospaq tsaytsika uywakunata pishtarkur sacrificiuta rupatsipäkurqan. Tayta Dios yanapamaptinmi pasaypa kushikur fiestata rurapäkurqä. Warmikunapis wamrakunapis kushishqami tsaycho karkaykarqan. Jerusaléncho fiestata rurapäkushqä karuyaqmi mayakarqan.
Cürakunapaq y levitakunapaq apapäkamushqan
44 Tsay junaqmi churapäkurqan almacén cuartu täpaqkunata. Paykunami ofrendakunata, *primiciakunata y *diezmukunata markakunapita y chakrakunapita Judá runakuna apamuptin chaskirkur almacén cuartukunaman churapäkurqan. Leykuna nishqannömi cürakunapaq y *levitakunapaq tsay apamushqankuna karqan. Judá runakuna kushishqa apapäkamurqan cürakuna y levitakuna Tayta Diospa templuncho sirviptinmi.
45 Cürakunami y levitakunami purificación ruraykunata rurashpan* Tayta Diosta shumaq sirvipäkurqan. Tsaynölami cantaqkuna y punku täpaqkunapis David y tsurin Salomón nishqannölami lapanta cumplipäkurqan.
46 Tayta Diosta tsayno sirvipäkurqan rey David y cantaqkunapa directornin Asaf kawashqan witsan Tayta Diosta sirvishqannömi. Tsay witsanmi cantaqkunapa directornin dirigiptin Tayta Diosta agradëcikur templucho alabapäkurqan.
47 Zorobabel mandashqan witsan y Nehemías mandashqan witsan waran waranmi Israel runakunaqa tsaki mikuy ofrendakunata cantaqkunapaq y punku täpaqkunapaq apapäkamuq. Tsaynölami levitakunapaqpis apapäkamuq. Levitakunanami chaskishqankunata Aarónpita miraqkunata* aypuq.
Ichic wilacuycuna
^ levita Levita runakunaqa karqan Jacobpa tsurin Levípita miraq runakunami. Paykunami templucho cürakunata yanaparqan (Núm. 1.47-54; 3.5-39). Templu manaraq kaptinmi Dioswan Tinkuna Tolducho yanaparqan (1Crón. 24–26). Levitakunatami rey Josafat kacharqan markan markan Diospa leyninkunata yachatsipäkunanpaq (2Crón. 17.7-9).
^ 12.17 Miniamín aylucho mandaqpa jutin ima kashqanpis hebreucho manami kantsu.
^ levita Levita runakunaqa karqan Jacobpa tsurin Levípita miraq runakunami. Paykunami templucho cürakunata yanaparqan (Núm. 1.47-54; 3.5-39). Templu manaraq kaptinmi Dioswan Tinkuna Tolducho yanaparqan (1Crón. 24–26). Levitakunatami rey Josafat kacharqan markan markan Diospa leyninkunata yachatsipäkunanpaq (2Crón. 17.7-9).
^ salteriu Salteriuqa taksha arpa niraqmi kaykan (1Sam. 10.5; 2Sam. 6.5; 1Rey. 10.12; 1Crón. 13.8; 15.28; 2Crón. 5.12; Sal. 33.2; 57.8; 81.2; Isa. 5.12).
^ cornëta Cornëtaqa carnipa waqranpita rurashqami karqan. Cornëtata cüra tukashqanta rikanaykipaq rikanki Lev. 25.9 versïculucho kaykaq dibüjuta. Qellaypita rurashqa cornëtapis karqanmi (Núm. 10.1-10).
^ Davidpa Markan Davidpa Markanqa manami David yurishqan Belén markatsu karqan, sinöqa Sión jirkancho kaykaq Jerusalén markami. Tsayno jutin karqan jebuseo runakunata tsaypita David qarqushqa kaptinmi (2Sam. 5.6-7). Tsaychömi reypa palaciunta y templuta sharkatsipäkurqan. Jerusalén marka jatunyaptinpis Sión jirkancho kaykaq partilatami Davidpa Markan kashqanta nipäkun.
^ primicia Primiciaqa kaykan Israel runakuna qechpa kaqkunata y chakrancho punta poquqkunata Tayta Diospaq apashqanmi (Éxo. 23.19; Lev. 2.11-12; Deut. 14.23; 18.3-4; 26.1-11; 2Crón. 31.11-12; Neh. 10.35-37; 12.44; Eze. 44.30; Rom. 8.23; Apoc. 14.4).
^ diezmu Diezmuqa cada chunkapita jukta Tayta Diospaq rakishqanmi kaykan. Tsaytaqa rakin qellaypita, uywakunapita y mikuykunapitami (Gén. 14.17-20; Deut. 14.22; Mat. 23.23).
^ levita Levita runakunaqa karqan Jacobpa tsurin Levípita miraq runakunami. Paykunami templucho cürakunata yanaparqan (Núm. 1.47-54; 3.5-39). Templu manaraq kaptinmi Dioswan Tinkuna Tolducho yanaparqan (1Crón. 24–26). Levitakunatami rey Josafat kacharqan markan markan Diospa leyninkunata yachatsipäkunanpaq (2Crón. 17.7-9).
^ 12.45 Purificación ruraykunaqa karqan kikinkuna purificakushqan, wakin runakunata purificatsishqan y purificatsina sacrificiuta rupatsishqan.
^ 12.47 Aarónpita miraqkunaqa cürakunami karqan. Cürakunata aypushqanpita masta musyanaykipaq liyinki Neh. 10.37.
