Esdras 2:1-70
2 Kaychömi qelqaraykan Jerusalénman y Judáman shamuq runakunapa jutinkuna. Tsay runakunaqa rey Nabucodonosor Babiloniaman prësu apashqan runakuna y paykunapita miraqkunami karqan. Cada ünunmi unay aylunkuna yurishqan markankunaman aywapäkurqan.
2 Tsay runakunapa mandaqninkunami karqan Zorobabel, Jesúa, Nehemías, Seraías, Reelaías, Mardoqueo, Bilsán, Mispar, Bigvai, Rehum y Baana. Kaychömi qelqaraykan Israel runakuna mayqan aylukuna Babiloniapita Judáman shamushqan:
3 Paruspita miraqkuna karqan ishkay waranqa juk pachak qanchis chunka ishkay (2,172) runakuna.
4 Sefatíaspita miraqkuna karqan kimsa pachak qanchis chunka ishkay (372) runakuna.
5 Arapita miraqkuna karqan qanchis pachak qanchis chunka pitsqa (775) runakuna.
6 Pahat-moabpita miraqkuna karqan ishkay waranqa pusaq pachak chunka ishkay (2,812) runakuna. Paykunaqa karqan Jesúapita y Joabpita miraqkunami.
7 Elampita miraqkunami karqan juk waranqa ishkay pachak pitsqa chunka chusku (1,254) runakuna.
8 Zatupita miraqkuna karqan isqun pachak chusku chunka pitsqa (945) runakuna.
9 Zacaipita miraqkuna karqan qanchis pachak soqta chunka (760) runakuna.
10 Banipita miraqkuna karqan soqta pachak chusku chunka ishkay (642) runakuna.
11 Bebaipita miraqkuna karqan soqta pachak ishkay chunka kimsa (623) runakuna.
12 Azgadpita miraqkuna karqan juk waranqa ishkay pachak ishkay chunka ishkay (1,222) runakuna.
13 Adonicampita miraqkuna karqan soqta pachak soqta chunka soqta (666) runakuna.
14 Bigvaipita miraqkuna karqan ishkay waranqa pitsqa chunka soqta (2,056) runakuna.
15 Adínpita miraqkuna karqan chusku pachak pitsqa chunka chusku (454) runakuna.
16 Aterpita miraqkuna karqan isqun chunka pusaq (98) runakuna. Aterqa Ezequíaspita miraqmi karqan.
17 Bezaipita miraqkuna karqan kimsa pachak ishkay chunka kimsa (323) runakuna.
18 Jorapita miraqkuna karqan pachak chunka ishkay (112) runakuna.
19 Hasumpita miraqkuna karqan ishkay pachak ishkay chunka kimsa (223) runakuna.
20 Gibarpita miraqkuna karqan isqun chunka pitsqa (95) runakuna.
21 Belén runakuna* karqan juk pachak ishkay chunka kimsa (123).
22 Netofa runakuna karqan pitsqa chunka soqta (56).
23 Anatot runakuna karqan juk pachak ishkay chunka pusaq (128).
24 Azmavet runakuna karqan chusku chunka ishkay (42).
25 Quiriat-jearim runakuna, Cafira runakuna y Beerot runakuna karqan qanchis pachak chusku chunka kimsa (743).
26 Ramá runakuna y Geba runakuna karqan soqta pachak ishkay chunka juk (621).
27 Micmas runakuna karqan juk pachak ishkay chunka ishkay (122).
28 Bet-el runakuna y Hai runakuna karqan ishkay pachak ishkay chunka kimsa (223).
29 Nebo runakuna karqan pitsqa chunka ishkay (52).
30 Magbis runakuna karqan juk pachak pitsqa chunka soqta (156).
31 Jukaq Elam runakuna karqan juk waranqa ishkay pachak pitsqa chunka chusku (1,254).
32 Harim runakuna karqan kimsa pachak ishkay chunka (320).
33 Lod runakuna, Hadid runakuna y Ono runakuna karqan qanchis pachak ishkay chunka pitsqa (725).
34 Jericó runakuna karqan kimsa pachak chusku chunka pitsqa (345).
35 Senaa runakuna karqan kimsa waranqa soqta pachak kimsa chunka (3,630).
36 Kaychömi qelqaraykan Babiloniapita Judáman shamuq cürakunapa aylunkunapa jutinkuna:Jesúa aylu Jedaíaspita miraq cürakuna karqan isqun pachak qanchis chunka kimsa (973) runakuna.
37 Imerpita miraq cürakuna karqan juk waranqa pitsqa chunka ishkay (1,052) runakuna.
38 Pasurpita miraq cürakuna karqan juk waranqa ishkay pachak chusku chunka qanchis (1,247) runakuna.
39 Harimpita miraq cürakuna karqan juk waranqa chunka qanchis (1,017) runakuna.
40 Kaychömi qelqaraykan Babiloniapita Judáman shamuq *levita aylukunapa jutinkuna: Hodavías aylu Jesúapita miraqkuna y Hodavías aylu Cadmielpita miraqkuna. Paykunami karqan qanchis chunka chusku (74) runakuna.
41 Kaychömi qelqaraykan Diosta alabar cantaqkuna mayqan aylu shamushqanpis: Asafpita miraqkuna karqan juk pachak ishkay chunka pusaq (128) runakuna.
42 Kaychömi qelqaraykan punkuta täpaq runakunapa aylunkunapa jutinkuna: Salum aylu, Ater aylu, Talmón aylu, Acub aylu, Hatita aylu y Sobai aylu. Tsay aylukunapita miraqkuna karqan juk pachak kimsa chunka isqun (139) runakuna.
43 Kaychömi qelqaraykan Diospa templuncho aruq runakunapa aylunkunapa jutinkuna: Ziha aylu, Hasufa aylu, Tabaot aylu,
44 Queros aylu, Siaha aylu, Padón aylu,
45 Lebana aylu, Hagaba aylu, Acub aylu,
46 Hagab aylu, Salmai aylu, Hanán aylu,
47 Gidel aylu, Gahar aylu, Reaía aylu,
48 Rezín aylu, Necoda aylu, Gazam aylu,
49 Uza aylu, Paseah aylu, Besai aylu,
50 Asena aylu, Meunim aylu, Nefusim aylu,
51 Bacbuc aylu, Hacufa aylu, Harhur aylu,
52 Bazlut aylu, Mehída aylu, Harsa aylu,
53 Barcos aylu, Sísara aylu, Tema aylu,
54 Nezía aylu y Hatifa aylu.
55 Kaychömi qelqaraykan Salomónpa sirviqninkunapita miraq runakunapa aylunkunapa jutinkuna: Sotai aylu, Soferet aylu, Peruda aylu,
56 Jaala aylu, Darcón aylu, Gidel aylu,
57 Sefatías aylu, Hatil aylu, Poqueret-hazebaim aylu y Amón aylu.
58 Templucho aruqkuna y Salomónpa sirviqninpita miraqkuna lapan karqan kimsa pachak isqun chunka ishkay (392) runakunami.
59 Tel-mela markapita, Tel-harsa markapita, Querub markapita, Addán markapita y Imer markapita Jerusalénman aywaq runakuna legïtimu Israel aylu kashqan o karulapana aylu kashqanpis shumaq manami musyakarqantsu. Tsay runakunami karqan
60 Delaíapita, Tobíaspita y Necodapita miraq runakuna. Paykunami karqan soqta pachak pitsqa chunka ishkay (652) runakuna.
61 Jerusalénman shamuq wakin cüra aylukuna karqan Habaíapita, Cospita y Barzilaipita miraq runakuna. Barzilaiqa tarqan Galaadpita kaq Barzilaipa warmi tsurinwanmi. Paywan taptinmi Barzilaipa jutinta apararqan.
62 Tsay runakunami Habaía aylu, Cos aylu y Barzilai aylu kashqanta musyatsinanpaq padrón librucho jutinkunata ashirqan. Tsaycho mana tarirmi Jerusalénman chayaykur cürakuna arushqanchöqa mana arurqantsu.
63 Gobernadorpis* nirqan Tayta Diospaq churashqankunata manana mikupäkunanpaq hasta *Urimta y Tumimta tapukur cüra musyashqanyaq.*
64 Jerusalénman shamuqkuna lapan karqan chusku chunka ishkay waranqa kimsa pachak soqta chunka (42,360) runakunami.
65 Paykunawanmi qanchis waranqa kimsa pachak kimsa chunka qanchis (7,337) warmipis olqupis ashmaykuna shamurqan. Diosta alabaqkuna warmipis olqupis ishkay pachakmi (200) paykunawan shamurqan.
66 Cawallunkunami karqan qanchis pachak kimsa chunka soqta (736). Mulankunami karqan ishkay pachak chusku chunka pitsqa (245).
67 *Camëllunkunami karqan chusku pachak kimsa chunka pitsqa (435). Bürrunkunami karqan soqta waranqa qanchis pachak ishkay chunka (6,720).
68 TAYTA DIOSPA templun kashqanman chayaykurmi wakin mayor runakuna Diospa templunta yapay sharkatsinanpaq kashqanpita ofrendata shuntarkur entregapäkurqan.
69 Tsay ofrendami karqan chusku pachak pusaq chunka pusaq (488) kïlu qori, ishkay waranqa qanchis pachak pitsqa chunka (2,750) kïlu qellay y cürakuna jatikunanpaq pachak (100) sotänakuna.
70 Cürakuna, levitakuna y wakin runakunaqa jinan Jerusalénlachömi tarqan. Cantaqkuna, templu punku täpaqkuna, templucho aruqkuna y wakin kaq Israel runakunami itsanqa awkilunkunapa markankunacho tarqan.*
Ichic wilacuycuna
^ 2.21 Tsay runakunapa unay aylunkuna Belén markapita kaptinmi Belén runakuna kashqanta nipäkuq. Tsayno nirqan juk lädu markacho yurishqa kaptinpis. Tsayno kaykan 2.22-pita hasta 2.35-yaqmi.
^ levita Levita runakunaqa karqan Jacobpa tsurin Levípita miraq runakunami. Paykunami templucho cürakunata yanaparqan (Núm. 1.47-54; 3.5-39). Templu manaraq kaptinmi Dioswan Tinkuna Tolducho yanaparqan (1Crón. 24–26). Levitakunatami rey Josafat kacharqan markan markan Diospa leyninkunata yachatsipäkunanpaq (2Crón. 17.7-9).
^ Urim y Tumim Urim y Tumimqa rumikunami karqan. Tsay rumikunaqa mandaq cürapa pechëran rurinchömi winararqan. Tsay rumikunawanmi mandaq cüra suertita rikaq Tayta Dios imata munashqantapis musyananpaq (Éxo. 28.30; Esd. 2.63; Neh. 7.65).
^ 2.63b Éxo. 28.30; Núm. 27.21.
^ camëllu Camëlluqa jatunkaray uywami kaykan. Camëllukunataqa ashmapäkun maypapis aywar cargakunanpaq y muntakunanpaqmi. Tsaynöpis camëllupa milwanta putskarkurmi awapäkuq. Camëllupa milwanpitami Bautizaq Juanpa röpanpis karqan (Mat. 3.4; Mar. 10.25).
^ 2.70 1Crón. 9.2; Neh. 11.3.
