¿Jas kuya kikotemal pa ri familia?
¿La kabʼij che are...
-
... ri loqʼoqʼebʼal?
-
... ri pwaq?
-
... o jun chi jastaq?
RI KUBʼIJ RI UTZIJ RI DIOS
«Are kikotemal chke ri kakitatabʼej ri utzij ri Dios, kakinimaj kʼut.» (Lucas 11:28, U tzij ri Dios pa quiche aj Guatemala [SBU], ortografía actualizada.)
RI KUBʼAN PA AKʼASLEMAL
Kariq qastzij loqʼoqʼenik (Efesios 5:28, 29).
Qas nim kiwil wi iwibʼ (Efesios 5:33).
Kaxibʼij ta chi awibʼ (Marcos 10:6-9).
¿LA QASTZIJ KʼU RIʼ RI KUBʼIJ RI UTZIJ RI DIOS?
Qastzij, rumal kebʼ jastaq:
-
Are ri Dios xbʼanow ri familia. Ri Loqʼalaj Pixabʼ kubʼij che ri Jehová Dios xukʼulubʼaʼ ri nabʼe achi rukʼ ri nabʼe ixoq (Génesis 2:18-24). Rukʼ waʼ kuya kqabʼij, che e kʼo ri familias rumal che are ri Jehová xbʼanowik. ¿Jasche sibʼalaj rajawaxik kqetaʼmaj wariʼ?
Chachomaj: We tajin katij jun jeʼlalaj rikil tekʼuriʼ kawaj kawetaʼmaj ri ukunel yaʼom, ¿jachin che kataʼ wi? Kataʼ riʼ, che ri xbʼanowik.
Junam rukʼ, rech kawetaʼmaj ri kuya kikotemal pa ri familia, rajawaxik katzukuj upixabʼ ri Jehová, ri xbʼanow ri familia.
-
Ri Dios kok il chaqe. Ri familias kʼo kinoʼj we kkitzukuj ri upixabʼ ri Jehová, che kkiriq chupam ri Utzij. ¿Jasche? Rumal che areʼ kraj kojuchajij (1 Pedro 5:6, 7). Jehová rukʼ ronojel ranimaʼ kraj ri utzilal chaqe; xuqujeʼ ri upixabʼ ¡qas kʼo upatan! (Proverbios 3:5, 6; Isaías 48:17, 18.)
CHACHOMAJ
¿Jas (o su) kabʼano rech más at utz achi, ixoq o utz tat?
Ri Utzij ri Dios kuya ubʼixik chirij pa EFESIOS 5:1, 2 xuqujeʼ COLOSENSES 3:18-21.
Wene' xuquje' utz kawilo
RI KQABʼANO
¿Jasche kqetaʼmaj chrij ri Biblia?
Ri Biblia keʼutoʼ kʼi winaq rech kketaʼmaj chrij preguntas che nim kibʼanik rech ri kʼaslemal. ¿La kawaj kawetaʼmaj chrij wariʼ?
RI KQABʼANO
Chataʼ jun solinik
Chawetaʼmaj ri kubʼij ri Biblia o chawetaʼmaj más chkij ri testigos rech Jehová.
