«Ronojel ri Tzʼibʼatalik petinaq rukʼ ri Dios.» (2 Timoteo 3:16, U tzij ri Dios pa quiche aj Guatemala [SBU], ortografía actualizada.)

Kuya ubʼixik chirij preguntas nimaʼq kibʼanik chirij ri kʼaslemal (Proverbios 2:1-5).

Utz kubʼan che ukʼamik qabʼe pa ri qakʼaslemal ronojel qʼij (Salmo 119:105).

Kubʼij utz jastaq chaqe chirij ri petinaq (Romanos 15:4).

Qastzij, rumal oxibʼ jastaq:

• Xaq junam kraj kubʼij ri kʼo chupam. Weneʼ xukʼam bʼi 1.600 junabʼ rech xtzʼibʼax ri Loqʼalaj Pixabʼ kumal weneʼ 40 achijabʼ. Kʼi chike xkichʼobʼ ta kiwach. Are kʼu ri wuj che xkitzʼibʼaj xaq junam kubʼij chirij ri nim ubʼanik che kʼo chupam.

• Ri xetzʼibʼanik qastzij ri xkitzʼibʼaj. E kʼi chike ri tzʼibʼanelabʼ che xkitzʼibʼaj nikʼaj chik wuj xkitzʼibʼaj ta ri umak ri kitinamit. Are kʼu, ri xetzʼibʼan ri Loqʼalaj Pixabʼ xkitzʼibʼaj ri kimak xkibʼano xuqujeʼ rech ri kitinamit (2 Crónicas 36:15, 16; Salmo 51:1-4).

• Qastzij kbʼan ri kubʼij. Ri Loqʼalaj Pixabʼ xubʼij che ri chaʼom kalax pa Belén, jun alaj tinamit rech Judá, tekʼuriʼ xqʼax na más che 700 junabʼ rech xalaxik (Miqueas 5:2). ¿La chilaʼ xalax wi ri Jesús? Chilaʼ, pa ri tinamit Belén (Mateo 2:1, 3-9).

  Kʼo nikʼaj chi jastaq che xuya ubʼixik ri Loqʼalaj Pixabʼ che xuqujeʼ qas xbʼantajik. Qastzij wi, ¡ri kubʼij ri Utzij ri Dios qas kbʼantajik! (2 Pedro 1:21.)