Salmus 10:1-18
ל [lämed]
10 Teyta Jehovä, ¿imanirtan karuchö këkanki?
¿Imanirtan llakikunqä höra qamta rikaqnatsu?+
2 Mana alli nunaqa, orgullösu karmi defendikuyta mana puëdeq nunata sufritsin,+peru jukta sufritsita munëkarpis kikinllam sufrinqa.+
3 Mana alli nunaqa, mana allikunata rurëta munanqampitam alabakun,+y kikinllapaq imatapis asheq nunakunatam alabapan,נ [nun]y manam Teyta Jehovätapis respetantsu.
4 Mana alli nunaqa, orgullösu karmi, shumaqqa musyapakurintsu,“manam Diosqa kantsu”+ nirmi imëpis pensëkan.
5 Teyta Dios, mana alli nunaqa munanqankuna alli yarquptimpis,+manam entiendinqatsu juzgar ninqëkikunata.+
Mana alli nunaqa llapan chikeqninkunapitam burlakun.
6 Shonqunllachömi nin:
“Noqaqa imëpis allillam këkäshaq,manam ni ima desgraciapis pasamanqatsu”.+
פ [pe]
7 Pëqa pitapis maldicirlla, uliparlla o llullaparlla y juraparllam këkan,+imëpis pleytuta ashirllam këkan y lluta parlarmi wakinkunatapis llakitsin.+
8 Markakunapa amänunman ëwëkurmi atacanampaq shuyaran,tsëchömi culpannaq nunata illaqpita wanutsin.+
ע [ayin]
Pitapis illaqpita wanutsinampaqmi rikëkan.+
9 Animalta yachëllapa* leon shuyaraqnömi shuyaran,defendikuyta mana puëdeq nunata shuyaran,+atarräyawan tsareqnömi defendikuyta mana puëdeq nunata prësurin.+
10 Chakinman ishkirmi prësunqan nunaqa ushakäreqnö tikrarin,defendikuyta mana puëdeqkunaqa poderninchömi quedariyan.
11 Mana alli nunaqa shonqunchömi kënö nin:
“Diosqa qonqëkushqam,+ mananam yarpannatsu.
Pëqa manam imatapis rikantsu”.+
ק [qof]
12 Teyta Jehovä kanan höra shamuy,+ makikita pallarkur* salvëkullë.+
Defendikuyta mana puëdeqkunataqa ama qonqëkullëtsu.+
13 Teyta Dios, ¿imanirtan mana alli nunaqa respetashunkinatsu?
Shonqunllachömi nishunki: “Qamqa manam juzgamankitsu”.
ר [resh]
14 Peru Teyta Dios qamqa musyankim nunakuna desgraciapa pasar waqayanqanta.
Tsëta rikarmi yanapanki.+
Imëka desgraciakunapa pasëkaqkunam qamta ashiyäshunki,+qammi papäninnaqkunata yanapanki.+
ש [shin]
15 Mana allita ruraq nunapa rikranta pakirapuy,y imëka jutsata* ruranqampita castiguëkuy.+
16 Teyta Jehovämi imëyaqpis Gobernanti kanqa.+
Entëru patsachö nacionkunaqa ushakäyashqanam.+
ת [taw]
17 Allita ruraq nunakuna mañakayämuptinqa, qamqa wiyankim Teyta Jehovä.+
Valienti kayänampaqmi yanapanki,+ y pëkunapaqmi imë hörapis yarparëkanki.+
18 Papäninnaqkunapaq y nuna mayinkuna sufritsiyanqan nunakunapaqmi justiciata ruranki,+tsënöpam allpapita rurashqa nunaqa, nuna mayinta sufritsinqanatsu.+
Nötakuna
^ O “montikunaman ratakuykur o tsinkëkur”.
^ Kënöpis niyanmi: joqarkur.
^ Kënöpis niyanmi: pecäduta.
