Salmus 101:1-8
David qellqanqan salmus.
101 Alläpa kuyakoq y alli ruraq kanqëkipitam qampaq cantamushaq,Teyta Jehovä, qamta alabarnikim cantamushaq.*
2 Alli pensëkurmi imatapis rurashaq, alli kaqtam rurashaq.
¿Imëraq yanapamanki?
Wayïchöqa allita rurarllam kawakushaq.+
3 Mana allikunataqa manam ichikllapis rikäshaqtsu,allikunata rurayänampa rantin, mana allikunata rurayaptinqa chikïmi.+
Tsënö nunakunawanqa manam juntakütsu.
4 Mana alli nunakunamanqa manam witipätsu,mana alli rurëkunataqa manam rurashaqtsu.
5 Pakëllapa nuna mayinkunata calumniaqtaqa upällätsishaqmi,+orgullösu nunakuna munëninta rurakuyänantaqa,manam dejashaqtsu.
6 Teyta Dios munanqannö kawakoqkunatam ashishaq,pëkunawan juntum kawashaq.
Allillata rurar kawakoq nunam sirwimanqa.
7 Engañakoq nunaqa manam jukllëllapis wayïchö kanqatsu,y ulikoq o llullakoq nunataqa manam rikëtapis munashaqtsu.
8 Cada patsa warëmi mana alli nunakunataqa upällatsishaq.
Tsënömi mana allita ruraq nunakunataqa, Teyta Jehoväpa markampita ushakätsishaq.+
Nötakuna
^ O “qampaqmi Teyta Jehovä müsicata tocamushaq”.