Salmus 125:1-5
Jerusalenman witsëkar cantayanqan.
125 Teyta Jehoväman confiakoqkunaqa,+ Sion jirkanömi kayan.
Sion jirkataqa manam imapis kuyutsintsu y manam imëpis ushakanqatsu.+
2 Imanömi Jerusalen markapa entëru lädumpa jirkakuna kan,+tsënömi Teyta Jehoväqa,kanampis y imëyaqpis sirweqninkunapa entëru lädunchö këkanqa.+
3 Mana alli nunakunaqa, mananam alli nunakunata gobernayanqanatsu.+
Pëkuna gobernayaptinqa, alli nunakunam mana allikunata rurar qallëkuyanman.+
4 Teyta Jehovä alli nunakunata,alli shonquyoqkunata+ yanapëkullë.+
5 Mana allikunata rurar qallaqkunataqa,mana allikunata ruraqkunatawan juntum Teyta Jehovä ushakätsinqa.+
Israelchö alli kawakuyë.
