Salmus 13:1-6
Cantaqkunata dirigeqpaq. David qellqanqan salmus.
13 Teyta Jehovä, ¿imëyaqraq qonqëkamanki? ¿Mananatsuraq imëpis yarpämankina?
¿Imëyaqraq rikämëtapis munankitsu?*+
2 ¿Imëyaqraq alläpa yarpachakurlla kashaq?
¿Imëyaqraq cada junaq shonqüllachö llakikur kashaq?
¿Imëyaqraq chikimaq nunakunaqa noqapita mas puëdeq kayanqa?+
3 Teyta Jehovä, qammi Diosnï kanki, rikëkallämë y mañakamuptï wiyëkallämë.
Mana wanunäpaq o wañunäpaq kallpayoqta tikrëkatsimë.*
4 Tsënöpa chikimaq nuna, “vencirqömi” nir mana alabakunampaq,ama permititsu chikimaq nunakuna vencimar noqapita asikuyänanta.+
5 Alläpa kuyakoq kaptikim noqaqa qamman confiakamü,+salvamaptikiqa shonqüchömi alläpa kushikushaq.+
6 Teyta Jehovätaqa bendicimanqampitam alabarnin cantapäshaq.+
Nötakuna
^ Hebreu idiömachöqa “cärëkita pakanki” ninmi.
^ Hebreu idiömachöqa “nawïta atsikyëkatsï” ninmi.