Salmus 130:1-8
Jerusalenman witsëkar cantayanqan.
130 Alläpa yarpachakurmi qayakëkämü Teyta Jehovä.+
2 Wiyëkallämë Teyta Jehovä,yanapamänëkipaq rogakamuptï wiyëkallämë.
3 Teyta Jehovä,* qamqa manam llapan pantayanqäkunata mana qonqanëkipaq apuntartsu* këkanki,tsëta ruraptikiqa, manachi ni jukllëllapis kawëkäyämantsu Teyta Jehovä.+
4 Qamqa rasumpa perdonakoqmi kanki,+tsëmi qamtaqa respetayaq.*+
5 Noqaqa, Teyta Jehovä änikunqantam shuyarëkä,llapan shonqüwanmi shuyarëkä,palabranmampis confiakümi.
6 Teyta Jehovä yanapamänantaqa alläpam shuyëkä,+markata cuidaqkuna, patsa warämoqta shuyaräyanqampitapis masmi shuyëkä.+
Awmi, patsa warämunqanta shuyaräyanqampitapis masmi shuyëkä.
7 Israelïtakuna Jehoväta shuyarar këkäyätsun,Teyta Jehoväqa alläpa kuyakoqmi+y salvamänapaqpis alläpa poderösum.
8 Israelïtakunatam llapan jutsata* rurayanqampita perdonanqa.
Nötakuna
^ Hebreu idiömachöqa “Jäh” ninmi. “Jäh” neq palabraqa wallka letrallachö Jehoväpa jutinmi.
^ O “rikarartsu”.
^ Hebreu idiömachöqa “mantsayaq” ninmi. Rikäri “Bibliachö palabrakunata entiendinapaq” neqta.
^ Kënöpis niyanmi: pecäduta.
