Salmus 135:1-21
135 ¡Teyta Jehoväta* alabayë!
Teyta Jehoväpa jutinta alabayë.
Teyta Jehoväpa sirweqninkuna, pëta alabayë.+
2 Teyta Jehoväpa wayinchö sirweqkuna,wayimpa patiunkunachö yanapakoqkuna, pëta alabayë.+
3 Teyta Jehoväqa* alläpa allim,+ Teyta Jehoväta alabayë,*jutinta alabar cantayë, jutinqa alläpa shumaqmi.
4 Teyta Jehoväqa* Jacobtam kikimpaq akrashqa,awmi, Israeltam akrashqa imëpis kuyashqan kanampaq.+
5 Noqaqa allim musyä Teyta Jehoväqa poderösu kanqanta,Teyta Diosnintsikqa wakin dioskunapitapis mas poderösum.+
6 Teyta Jehoväqa ciëluchö, patsachö,lamarchö y lamar rurinchöpis llapan munanqantam ruran.+
7 Pëqa patsapa entëru kuchumpita pukutë witsänantam permitin.
Tamyamunampaqmi räyutsimun*y vientutapis churaranqan sitiupitam yarqatsimun.+
8 Egiptuchöpis nunakunapa mayor tsurinkunata,y animalninkunapa punta wawankunatam ushakätsirqan.+
9 Faraonta y sirweqninkunata castigarmi,+Egiptuchö imëka señalkunata y milagrukunata rurarqan.+
10 Mëtsë nacionkunachö täkoq* nunakunatam vencirqan,+y puëdeq gobernantikunatam wanutsirqan.+
11 Amorreukunapa+ gobernantin Sehon jutiyoq nunata,Basanchö+ gobernaq Og jutiyoq nunatay Canaanchö llapan gobernaqkunatam wanutsirqan.
12 Pëkunapa markankunatam,sirweqnin israelïtakunata herenciankuna kanampaq entreguëkurqan.+
13 Teyta Dios, jutikiqa imëyaqpis Jehovämi kanqa.
Teyta Jehovä, ruranqëkikunataqa imëpis yarpäyanqam.+
14 Teyta Jehoväqa, sirweqninkunata defendinqam,+sirweqninkunataqa llakipanqam.*+
15 Mëtsë nacionchö adorayanqan santukunaqa,plätapita y örupita rurashqam kayan y nunallam rurashqa.+
16 Tsë santukunaqa, shimin kaptimpis manam parlayantsu,+nawin kaptimpis manam rikäyantsu,
17 rinrin kaptimpis,manam wiyayantsu ni manam shütayantsu.+
18 Santukunata ruraqkuna y tsë santukunaman confiakoqkunaqa,+tsë santukunanömi imapaqpis mana väleq tikrayanqa.+
19 Israel nunakuna, Teyta Jehoväta alabayë.
Aaronpa kastankuna, Teyta Jehoväta alabayë.
20 Levïpa kastankuna, Teyta Jehoväta alabayë.+
Teyta Jehoväta respetaqkuna,* Teyta Jehoväta alabayë.
21 Sionchö täkoqkunapita* qallëkur,+Jerusalen markachö täkoq+ Teyta Jehoväta alabayë.
¡Teyta Jehoväta* alabayë!+
Nötakuna
^ Hebreu idiömachöqa “Jäh” ninmi. “Jäh” neq palabraqa wallka letrallachö Jehoväpa jutinmi.
^ Hebreu idiömachöqa “Jäh” ninmi. “Jäh” neq palabraqa wallka letrallachö Jehoväpa jutinmi.
^ O “Teyta Jehoväpaq müsicata tocayë”.
^ Hebreu idiömachöqa “Jäh” ninmi. “Jäh” neq palabraqa wallka letrallachö Jehoväpa jutinmi.
^ O capazchi “kichan”.
^ Kënöpis niyanmi: täraq; päraq.
^ Kënöpis niyanmi: ankupanqam; kuyapanqam.
^ Hebreu idiömachöqa “mantsaqkuna” ninmi. Rikäri “Bibliachö palabrakunata entiendinapaq” neqta.
^ Kënöpis niyanmi: täraqkunapita; päraqkunapita.
^ Hebreu idiömachöqa “Jäh” ninmi. “Jäh” neq palabraqa wallka letrallachö Jehoväpa jutinmi.