Salmus 138:1-8
David qellqanqan salmus.
138 Teyta Dios, llapan shonqüwanmi alabashqëki,+wakin dioskunata despreciarmipuntankunachöraq* cantar alabashqëki.
2 Sagrädu templuykiman rikëkurmi,puntëkiman qonqurikamushaq,+alläpa kuyakoq kaptiki y parlanqëkita cumpliptikim jutikita alabashaq.+
Qamqa änikunqëkita y jutikitapis mas reqishqatam tikratsirqunki.
3 Qayakamunqä höram wiyamarqëki,+tsënömi mana mantsakunäpaq y valienti kanäpaq yanapamarqëki.+
4 Teyta Jehovä,+ llapan änikunqëkita musyarmipatsachö llapan gobernantikuna alabayäshunki.
5 Teyta Jehoväqa alläpa poderösum,tsëmi Teyta Jehovä llapan ruranqankunapita cantashaq.+
6 Teyta Jehoväqa, ciëluchö këkarpis humildikunataqa cuidanmi,+peru orgullösukunataqa karullamanmi reqin.+
7 Imëka peligrukunapa pasaptïpis,qammi kawëkänäpaq yanapamanki,+derëcha makikiwanmi salvamanki.
Chikimaqkunataqa castigankim.
8 Teyta Jehovä, llapan pensanqëkitam noqapaq ruramunki,Teyta Jehovä, qamqa imëpis alläpa kuyakoqmi kanki.+
Ama qonqëkullëtsu akranqëki sirwishoqnikikunata.+
Nötakuna
^ O capazchi “wakin dioskunata mana kaqpaq churar”.
