Salmus 150:1-6
150 ¡Teyta Jehoväta* alabayë!+
Sagrädu sitiunchö Teyta Diosta alabayë.+
Ciëlu jawanchö* këkaqkuna alabëkuyë, pëkunam musyatsikuyan poderösu kanqanta.+
2 Teyta Diosta, imëkata ruranqampita alabëkuyë,+alläpa puëdeq kanqampita alabëkuyë.+
3 Waqrapita trompëtata tocar alabayë,+cuerdayoq instrumentuta y arpata tocar alabayë.+
4 Panderëtata tocar y rondëpa* tushur alabayë.+
Cuerdayoq instrumentukunata+ y quënata* tocar alabayë.+
5 Platïllukunata chinyatsir alabayë,platïllukunata fuertipa tocar alabayë.+
6 Llapan kawëkaqkuna, Teyta Jehoväta* alabayë.
¡Teyta Jehoväta alabayë!*+
Nötakuna
^ Hebreu idiömachöqa “Jäh” ninmi. “Jäh” neq palabraqa wallka letrallachö Jehoväpa jutinmi.
^ Kënöpis niyanmi: qopinchö.
^ Kënöpis niyanmi: jiruruypa.
^ O “caramïlluta”.
^ Hebreu idiömachöqa “Jäh” ninmi. “Jäh” neq palabraqa wallka letrallachö Jehoväpa jutinmi.
^ O “¡Alelüya!”. Hebreu idiömachöqa “Jäh” ninmi. “Jäh” neq palabraqa wallka letrallachö Jehoväpa jutinmi.