Salmus 21:1-13
Cantaqkunata dirigeqpaq. David qellqanqan salmus.
21 Teyta Jehovä, kallpëkiwan yanapaptikim gobernantiqa kushikun.+
¡Imëpis salvanqëkipitam alläpa kushikun!+
2 Llapan munanqanchömi yanaparqunki.+
Llapan mañashunqëkitam rurarqunki. (Selah).
3 Imëkachömi bendicirqunki,alli kaq örupita rurashqa corönatam coronatsirqunki.+
4 Mana wanunampaq o wañunampaq rogakamuptinmi,+imëpis mana wanunampaq yanaparqunki.
5 Qam salvaptikim mas puëdeq tikran,+y qam yanapaptikim llapampis respetayan.
6 Pëtanöqa manam pitapis mana dejëpa bendicirqunkitsu,+lädunchö kaptikim imëpis kushishqa këkan.+
7 Teyta Jehovä, gobernantiqa qammanmi confiakamun.+
Alläpa kuyaptikim imapis pasanqatsu, qammi Llapanta Gobernaq Poderösu Dios kanki.+
8 Teyta Dios qampitaqa manam ni mëqan chikishoqnikipis qeshpir ëwakunqatsu,derëcha makikiwan ashirmi llapan chikishoqnikita tarinki.
9 Qamqa achachëkaq hornuman jitarkoqnömi, citanqëki tiempuchö llapankunata ushakätsinki.
Teyta Jehovä, cölerarmi llapankunata castiganki y ninawanmi ushakätsinki.+
10 Pëkunapa kastankunataqa llapantam ushakätsinki,patsachöqa manam jukllëllapis quedanqatsu.
11 Pëkunaqa contrëki shäritam munayarqan,+y rurayänampaq pensayanqampis mana allim yarqunqa.+
12 Flëchanëkipaq arcuykiwan apuntaptikim,pëkunaqa mantsakar qeshpir ëwakuyanqa.+
13 Teyta Jehovä shamuykullë, poderösu kanqëkita juklla musyayätsun.
Poderösu kanqëkipaqmi alabarniki cantayämushaq.*
Nötakuna
^ Hebreu idiömachöqa “müsicata tocayämushaq y cantayämushaq” ninmi.