Salmus 24:1-10
-
Poderösu Gobernanti punkupa yëkamun
-
“Teyta Jehoväpam kë patsa” (1)
-
David qellqanqan salmus.
24 Teyta Jehoväpam kë patsa, kë patsachö imëka kaqkuna+ y patsachö llapan kawaqkuna.
Pëllapam muruna chakrakunapis.
2 Pëmi tsaki patsata lamar jananman,+y mayukuna* jananman churarqan.
3 ¿Imanö nunatan Teyta Jehoväpa jirkanman ëwëta puëdin?+
¿Imanö nunatan sagrädu sitiunchö këta puëdin?
4 Tsëchöqa këta puëdin culpannaq y alli shonquyoq nunallam.+
Peru jutïchö* jurar änikurpis mana cumpleqqay pitapis engañanampaq juraqqa manam tsëchö këta puëdintsu.+
5 Alli ruraq nunataqa Teyta Jehovämi bendicinqa,+allikunata ruranqanta rikarmi Teyta Dios salvanqa.+
6 Pëkunam Teyta Diosta yachatsinampaq ashiyan,pëkunam Jacobpa Diosninta ashiyan. (Sëlah).
7 ¡Poderösu Gobernanti yëkamunampaq punkukunata mas kichayë!+
¡Unë markakunapa punkunkunatapis kichayë!+
8 ¿Pitan poderösu Gobernantiqa?
Pëqa poderösu Teyta Jehovämi,+guërrakunachöpis venceq poderösu Teyta Jehovä.+
9 ¡Poderösu Gobernanti yëkamunampaq punkukunata mas kichayë!+
¡Unë markakunapa punkunkunatapis kichayë!
10 ¿Pitan pëqa? ¿Pitan poderösu Gobernantiqa?
Pëqa angelkunata mandaq Jehovämi, pëmi poderösu Gobernantiqa.+ (Sëlah).