Salmus 29:1-11
David qellqanqan salmus.
29 Qamkuna, puëdeq nunakuna, Teyta Jehoväta alabayë,puëdeq y kallpayoq kanqampita Jehovä Diosta alabayë.+
2 Teyta Jehoväpa jutinta alabayë,Teyta Jehoväpa puntanman alli vistishqa qonqurikuyë.
3 Teyta Jehoväpa vozninqa yaku janampapis wiyakämunmi,Teyta Diospa vozninqa räyu pashtaqnöran wiyakämun.+
Teyta Jehoväqa pukutë* jananchömi këkan.+
4 Teyta Jehoväpa vozninqa poderösum,+Teyta Jehoväpa vozninqa alläpa shumaqmi.
5 Teyta Jehoväpa vozninqa Lïbanuchö cedrukunatam pakin,awmi, Jehoväpa vozninqa Lïbanuchö cedrukunatam ishkiratsin.+
6 Lïbanupis* ternëranöran saltan,y Sirion+ jirkapis chukaru törunöran saltan.
7 Teyta Jehovä vozninwanqa, räyupis mantsëpaqmi atsikyämun.+
8 Jehoväpa vozninta wiyarqa tsunyaq jirkapis karkaryanmi,+Teyta Jehoväpa vozninqa Cades+ jirkatapis karkaryätsinmi.
9 Teyta Jehoväpa vozninta wiyarmi luychupis manaraq höranchö wachariny montikunapa rämankunapis pakir usharin.+
Templunchö këkaqkunam, “¡Teyta Diosta alabayë!” nir qayëkachäyan.
10 Teyta Jehoväpa jamakunanqa mëtsika yaku jananchömi* këkan, y tsëchömi mandakur jamarëkan.+
Teyta Jehoväqa jamakunanchömi tëkan, tsëpitam imëyaqpis gobernamunqa.+
11 Teyta Jehoväqa sirweqninkunatam kallpayoqta tikratsinqa,+Teyta Jehoväqa alli kawakuyänampaqmi sirweqninkunata bendicinqa.+
Nötakuna
^ Hebreu idiömachöqa “mëtsika yaku jananchö” ninmi.
^ Tsënö nirqa, capaz Lïbanuchö cordillërapaq parlëkan.
^ O “ciëluchö këkaq yaku jananchömi”.
