Salmus 30:1-12
-
Llakishqa këkarmi, kushishqa tikrarin
-
Teyta Diosqa imëpis kuyakoqmi kanqa (5)
-
Teyta Diospaq wayita usharatsir cantayanqan. David qellqanqan salmus.
30 Teyta Jehovä, qammi salvamarqunki, tsëmi alabashqëki,manam permitirqëkitsu chikimaqkuna asipäyämänanta.+
2 Teyta Jehovä, waqarmi qayakamurqä, tsëmi kallpayoqta tikratsimarqëki.+
3 Teyta Jehovä, Sepultürachö* këkaqtanam salvamarqëki,+sepultürachö dejaramänëkipa rantinmi kawëkaqta këkätsimanki.+
4 Teyta Jehoväta kuyaqkuna, cantarnin alabayë,+alläpa limpiu kanqanta yarpar jutinta alabayë.+
5 Teyta Diosqa imëpis kuyakoqmi kanqa,+ cölerarpis juk rätullam cöleran.+
Capazchi llakishqa kar tardipaqa waqantsik, peru kushishqanam waräramuntsik.+
6 Kushishqa kawakurmi, “manam imapis imanamanqatsu” nirqä.
7 Teyta Jehovä, qam yanapamaptikim jirkanö fuerti karqä,+peru dejaramaptikiqa* alläpam mantsakurqä.+
8 Teyta Jehovä, kutin kutinmi qayakamurqä,+Teyta Jehovä, yanapëkamänëkipaqmi rogakamurqä.
9 Wanur o wañur sepultürachö allpa tikrarqa, ¿imapaqnaraq sirwïman?+
Allpaqa manam alabashunkitsu,+ ni alläpa alli kanqëkitapis willakuntsu.+
10 Teyta Jehovä, yanapëkamë.+
Jehovä Dios, yanapamaqnï këkullë.+
11 Qam yanapamaptikim, kananqa waqanäpa rantin tushur këkä,chukru tëlakunata* vistikurkur llakishqa kanäpa rantinmi kushishqa këkä.
12 Tsëmi upälla kakunäpa rantin cantar alabashqëki,Teyta Jehovä, imëyaqpis alabashqëkim.
Nötakuna
^ Hebreu idiömachöqa “cärëkita pakaptikiqa” ninmi.
^ Rikäri “Bibliachö palabrakunata entiendinapaq” neqta.