Salmus 38:1-22
David qellqanqan salmus. Imëpis yarpäyänampaq.
38 Teyta Jehovä, cölerashqa këkarqa ama qayapëkallämëtsu,alläpa cölerashqa këkarqa ama corregïkamëtsu.+
2 Castigamaptikim sufrikä,y flëchëkiwanmi cuerpütapis pasaqpaq chätsimarqunki.+
3 Castigamashqa kaptikim qeshyëkä,jutsata* ruranqäpitam tullükunapis kallpannaq këkan.+
4 Mëtsika jutsatam* rurarqö,*+tsëmi lasaq qepinö nitiräman.*
5 Mana cäsukur jutsata* ruranqäqa alläpa melanëpaqmi,mana alliyaq herïda asyaqnömi këkan.
6 Alläpa llakishqam këkä, imanö këtapis manam puëdïnatsu.
Patsa waranqampita tardiyanqanyaqmi llakishqalla kakü.
7 Imëka nina rupëkämaqtanömi sientï,y entëru cuerpüpis alläpam nanëkun.+
8 Manam imata ruranäpaqpis valornï kantsu,alläpa llakikurmi* waqarlla kakü.
9 Teyta Jehovä llapan munanqätam qamqa musyëkanki,y llakikur waqanqätapis wiyëkankim.
10 Alläpa llakikuptïmi shonqüpis pashtëta munan,kallpäpis ushakärishqam, nawïpis manam rikannatsu.+
11 Sufrinqäta rikarmi amïgükunapis rikämëta munayannatsu,y vecïnükunapis manam witipäyämannatsu.
12 Conträ këkaqkunaqa wanutsiyämänampaqmi imëka trampata churayämun,chikimaqkunaqa ushakätsiyämänampaqmi parlayan.+
Imë höra karpis wanutsiyämänampaqmi willanakuyan.
13 Peru noqaqa, tsënö parlayaptimpis manam wiyaqtukütsu,+y upatukurmi imatapis parlakütsu.+
14 Sordu nunanöy müdu* nunanömi këkä.
15 Teytallä Jehovä, yanapamänëkitam shuyararqä,+y qamqa yanapamarqëkim Teyta Jehovä.+
16 Kënömi nirqä: “Ama chikimaqkuna asipäyämätsuntsu,y mana allipa pasanqä höra ama puëdeqtupäyämätsuntsu”.
17 Pasëpanam* ishkinëkä,kë nanëqa manam ichikllapis pasantsu.+
18 Jutsata* ruranqäpitam alläpa llakikurqä,+tsëmi willakurqä.+
19 Peru chikimaqkunaqa alläpa puëdeqmi kayan,mana imanëkaptïmi mëtsikaq chikiyäman.
20 Yanapëkaptïpis conträmi shäriyarqan,alli nuna kaptïmi chikiyämarqan.
21 ¿Imanirtan Teyta Jehovä karuchö këkanki?
Karuchö kaptikiqa, ¿piraq yanapamanqa?+
22 Kanan höra shamur yanapëkallämë,Teyta Jehovä, qammi salvamaqnï kanki.+
Nötakuna
^ Kënöpis niyanmi: pecäduta.
^ Kënöpis niyanmi: pecädutam.
^ O “jutsata ruranqaqa peqä o umä janantam montunakar pasashqa”.
^ Kënöpis niyanmi: llapiräman.
^ Kënöpis niyanmi: pecäduta.
^ O “shonqüchö llakikurmi”.
^ Kënöpis niyanmi: upa.
^ Kënöpis niyanmi: Jankatnam.
^ Kënöpis niyanmi: Pecäduta.
