Salmus 4:1-8
Cantaqkunata dirigeqpaq. Cuerdayoq instrumentukunata tocar cantayänampaq. David qellqanqan salmus.
4 Teyta Dios, qamqa allillata ruraqmi kanki,+ qayakamuptï wiyëkallämë,llakikunqä höra yanapëkallämë.
Teyta Dios, llakipëkamë* y mañakamuptï wiyëkallämë.
2 Nunakuna,* ¿imëyaqraq mana kaqpita culpamar penqakatsiyämanki?
¿Imëyaqraq mana väleq cösaskunata ashir kakuyanki* y ulikuyänëkipaq o llullakuyänëkipaq imëkata pensayanki? (Sëlah).
3 Cuentata qokuyë, Teyta Jehoväqa alli ruraqkunata kuyarmi yanapanqa.
Jehovä Diosqa mañakuptï wiyamanqam.
4 Cölerashqa këkarpis ama jutsallakuyëtsu.*+
Cämëkikunachö këkar shonquykikunachö imëkata nirpis upälla kakuyë. (Sëlah).
5 Imata rurarpis, Teyta Diospaq voluntäwan rurayëy Jehoväman confiakuyë.+
6 Mëtsikaqmi niyan: “¿Piraq alli kawanapaq yanapamäshun?”.
Teyta Jehovä, qamqa kuyakoqmi kanki, yanapëkayämë.*+
7 Qam yanapamaptikim, atska cosëchayoqy atska llullu vïnuyoq nunakunapitapis mas kushishqa kä.
8 Teyta Jehovä, qamllam alli kawakunäpaq yanapamanki,+tsëmi patsäkurpis tranquïlu punushaq.+
Nötakuna
^ Kënöpis niyanmi: ankupëkamë; kuyapëkamë.
^ Hebreu idiömachöqa “nunakunapa tsurinkuna” ninmi.
^ O “kuyayanki”.
^ Kënöpis niyanmi: pecäduta rurayëtsu.
^ O “noqakunawan kushishqa këkanqëkita rikäyäshaq”.
