Salmus 41:1-13
Cantaqkunata dirigeqpaq. David qellqanqan salmus.
41 Waktsakunata yanapaq nunaqa kushishqam kanqa,+Teyta Jehovämi mana alli tiempuchö sufriptimpis yanapanqa.
2 Tsënö nunataqa Teyta Jehovämi, mana allikunapita tsapanqa y kawëkaqta katsinqa.
Tsëmi kë patsachö kushishqa kawakunqa,+Teyta Diosmi chikeqninkunapita salvanqa.+
3 Qeshyëkaptimpis Teyta Jehovämi kallpan kanampaq yanapanqa,+cämanchö qeshyar këkaptimpis cuidanqam.
4 Kënömi nirqä: “Teyta Jehovä, yanapëkallämë.+
Mandakunqëkita mana cäsukurmi jutsata* rurarqö,+ allina sientikunäpaq yanapëkamë”.+
5 Peru chikimaqkunaqa, “taqëqa ¿imëraq wanunqa o wañunqa? Llapampis jukllana qonqëkuyanman” niyanmi noqapaq.
6 Watukamaq shamurqä, alli shiminkunapam imëkata ulipäyäman o llullapäyäman.
Tsëpita ëwakurnam, noqa parlanqäkunataqa jukmampa tumarkatsirna willakurëkäyan.
7 Imëka mana allikunata rurayämänampaqmi parlëkäyan,y llapan juntakëkurmi kënö rimayäman:
8 “Kananmi sï rasumpa desgraciapa pasëkan,*qeshyar cämaranqampitaqa mananam sharkamunqanatsu”.+
9 Alli kawakuyanqä, confiakunqä+ y juntu mikur kayanqä nunapis kananqa chikimanmi.+
10 Peru Teyta Jehovä, yanapëkallämë,sharkatsimë chikimaqnïta maqanäpaq.
11 Chikimaqnï mana vencimaptinqa,kuyamar yanapëkämanqëkitam musyashaq.+
12 Teyta Dios, noqaqa nimanqëkitam imëpis cumplï, tsëmi yanapamanki;+rikënikichömi imëpis katsimanki.+
13 Israelpa Diosnin Jehovä,imëyaqpis alabashqa këkullätsun.+
Tsënö kallätsun.*
Nötakuna
^ Kënöpis niyanmi: pecäduta.
^ Hebreu idiömachöqa “alläpa mantsakëpaq” ninmi.
^ O “Amen, Amen”.
