Salmus 43:1-5

  • Teyta Diosmi Juez y salvan

    • ‘Rasumpa kaqta yachëkatsimë y aktsikiwan pushëkamë’ (3)

    • “¿Imanirtan alläpa yarpachakü?” (5)

    • “Teyta Dios yanapamänantam shuyaräshaq” (5)

43  Teyta Dios, juzguëkallämë,+mana cäsukoq nunakunapita defendïkallämë.+ Mana allikunata ruraq y ulikoq o llullakoq nunapita salvëkallämë.  2  Qammi Diosnï kanki,qammi alli segurashqa markanö tsapämanki.+ ¿Imanirtan dejaramarqunki? ¿Imanirtan chikimaqnïkuna waqatsiyämänanta permitinki?+  3  Teyta Dios, alli kawakunäpaq rasumpa kaqta yachëkatsimë,+sagrädu jirkëkiman y carpa* wayikiman aktsikiwan pushëkamë.+  4  Tsënö pushamaptikim altarnikiman chäshaq,+qamta sirwirnikim kushishqa kä. Teyta Dios, tsëchömi arpata tocar alabashqëki.+  5  ¿Imanirtan alläpa yarpachakü? ¿Imanirtan shütëtapis puëdïnatsu? Noqaqa Teyta Dios yanapamänantam shuyaräshaq,+Salvamaq Diostaqa yapëmi alabashaq.+

Nötakuna

^ Kënöpis niyanmi: toldu.
MUSHOQ PATSACHÖ KAWAQKUNAPAQ BIBLIA
Salmus 43
Quechua (Ancash)
Bibliata Internetchö leyinëkipaq
https://cms-imgp.jw-cdn.org/img/p/1001061103/univ/art/1001061103_univ_sqr_xl.jpg
nwt päg. 40