Salmus 6:1-10
Cantaqkunata dirigeqpaq. Cuerdayoq instrumentukunata seminit nötachö tocayänampaq. David qellqanqan salmus.
6 Teyta Jehovä, cölerashqa këkarqa ama qayapëkallämëtsu,alläpa cölerashqa këkarqa ama corregïkamëtsu.+
2 Teyta Jehovä llakipëkallämë,* kallpannaqmi këkä.
Teyta Jehovä, tullükunapis karkaryëkanmi, allina sientukunäpaq yanapëkallämë.+
3 Teyta Jehovä alläpa yarpachakurmi këkä,+¿imëyaqraq kënö kashaq?+
4 Shamur salvëkallämë Teyta Jehovä,+qamqa alläpa kuyakoqmi kanki, salvëkallämë Teyta Dios.+
5 Nuna wanurqa o wañurqa manam yarpäyäshunkinatsu.
Patsapa shonqunchö këkarqa,* ¿piraq alabashunkiman?+
6 Waqëtapis manam puëdïnatsu,+waqar waraptïmi, cämäpis weqillana këkan.
Alläpa waqaptïmi, weqïqa mëtsika yakunöraq cuartüchö sïlläkunatapis apakuyta munan.+
7 Alläpa waqaptïmi nawïpis shumaqqa rikannatsu,+chikimaqkuna waqatsiyämaptinmi nawïtapis oqrëkäna.
8 Mana allita ruraq nunakuna lädüpita witikuyë,Teyta Jehovämi waqaptï wiyamanqa.+
9 Teyta Jehovämi rogakuptï cäsumanqa,+Jehovä Diosmi mañakuptï wiyamanqa.
10 Llapan chikimaqkunam penqakushqa y mantsakashqa quedayanqa,y mana pensayanqan höram penqakur qeshpir ëwakuyanqa.+
Nötakuna
^ Kënöpis niyanmi: ankupëkallämë; kuyapëkallämë.
^ O “Sepultürachö këkarqa”. Rikäri “Bibliachö palabrakunata entiendinapaq” neqta.